తమిళ స్టార్ హీరోస్ లో ఒకరైన థలా అజిత్ కుమార్ కి ఇటీవల కేంద్ర ప్రభుత్వం పద్మభూషణ్ అవార్డు ప్రకటించిన సంగతి అందరికి తెలిసిందే. దీనితో అజిత్ అభిమానులు ఎంతో ఆనందం వ్యక్తం చేయగా దేశ వ్యాప్తంగా సినీ అలాగే రాజకీయ ప్రముఖులు కూడా అభినందనలు తెలిపారు. అయితే లేటెస్ట్ గా మన టాలీవుడ్ యంగ్ అండ్ టాలెంటెడ్ దర్శకుడు, తెలుగులో మొట్ట మొదటి సూపర్ హీరో మూవీ చేసి సెన్సేషనల్ హిట్ కొట్టిన ప్రశాంత్ వర్మ కూడా ప్రత్యేకంగా విష్ చేయడం జరిగింది.
అజిత్ ని కలిసి ఇద్దరు కలిసి ఉన్న పిక్ ని షేర్ చేసి మరీ అజిత్ ఈ పద్మ అవార్డుకి ఎంతో అర్హులు అని తెలిపాడు. మరి దీనితో అజిత్ ఫ్యాన్స్ మాత్రం తమ హీరోతో ఒక మూవీ చెయ్యాలని కామెంట్స్ లో కోరుతున్నారు. మరి ప్రశాంత్ వర్మ వారి రిక్వెస్ట్ మేర అజిత్ తో కూడా కోలాబ్ అవుతాడేమో చూడాలి మరి. ఆల్రెడీ కన్నడ నటుడు రిషబ్ శెట్టితో “జై హనుమాన్” చేస్తున్న సంగతి తెలిసిందే. మరి ముందు లైనప్ లో అజిత్ తో కూడా మూవీ పడితే వేరే లెవెల్లో ఉంటుంది అని చెప్పాలి. ప్రస్తుతం అజిత్ నటించిన మూవీ లు “పట్టుదల”, “గుడ్ బ్యాడ్ అగ్లీ” మూవీ లు రిలీజ్ కు సిద్ధంగా ఉన్నాయి.
https://x.com/PrasanthVarma/status/1883876405030895790
