Posted [relativedate] at [relativetime time_format=”H:i”]
అక్కినేని వారసుడు అఖిల్‌ చేసిన రెండు చిత్రాలు కూడా ప్రేక్షకులను పెద్దగా ఆకట్టుకోవడంలో విఫలం అయ్యాయి. మొదటి సినిమా మరీ దారుణంగా ఫ్లాప్‌ అవ్వగా, రెండవ చిత్రం ‘హలో’ పర్వాలేదు అనిపించింది. అయితే అఖిల్‌కు ప్రస్తుతం బిగ్‌ కమర్షియల్‌ సక్సెస్‌ చాలా అవసరం. అందుకోసం అఖిల్‌ తీవ్రంగా ప్రయత్నాలు చేస్తున్నాడు. అఖిల్‌ మూడవ చిత్రం కొరటాల శివ దర్శకత్వంలో ఉంటుందని గత కొంత కాలంగా ప్రచారం జరుగుతూ వచ్చింది. అయితే ఆ వార్తల్లో నిజం లేదని, అఖిల్‌ మూడవ చిత్ర దర్శకుడు ఇంకా ఖరారు కాలేదు అంటూ కొందరు అక్కినేని కుటుంబ సన్నిహితులు చెబుతున్నారు. ఇదే సమయంలో తాజాగా అక్కినేని అఖిల్‌, రామ్‌ గోపాల్‌ వర్మ కలిశారని, అఖిల్‌తో కొన్ని సీన్స్‌ను వర్మ టెస్ట్‌ షూట్‌ చేశాడని సినీ వర్గాల్లో టాక్‌ వినిపిస్తుంది.
అఖిల్‌ ఇప్పటికే చేసిన రెండు చిత్రాలు ఫ్లాప్‌ అయిన నేపథ్యంలో నాగార్జున మరింత ఎక్కువ శ్రద్ద తీసుకోవాల్సిన అవసరం ఉంది. ఇలాంటి సమయంలో వర్మ దర్శకత్వంలో అఖిల్‌ సినిమా ఉండబోతుంది అంటూ ప్రచారం జరుగుతుంది. వర్మ గత దశాబ్ద కాలంగా మంచి సినిమాలు తీసిన దాఖలాలు లేవు. అప్పట్లో వర్మ చేసిన చిత్రాలు బాక్సాఫీస్‌ వద్ద సంచలన విజయాన్ని సొంతం చేసుకున్నాయి. కాని ప్రస్తుత పరిస్థితులు పూర్తి విభిన్నంగా ఉన్నాయి. వర్మ వివాదాలకు పెద్ద పీఠ వేస్తూ సినిమాలు తీస్తున్నాడు.
ఇలాంటి సమయంలో వర్మ చేతిలో అఖిల్‌ను పెట్టడం అంటే చాలా పెద్ద సాహసం అని చెప్పుకోవచ్చు. ప్రస్తుతం నాగార్జున, వర్మల కాంబినేషన్‌లో ఒక చిత్రం తెరకెక్కుతుంది. ఆ సినిమా ఫలితాన్ని బట్టి అఖిల్‌ హీరోగా వర్మ సినిమాను ప్లాన్‌ చేయాలని నాగార్జున భావిస్తున్నట్లుగా ప్రచారం జరుగుతుంది. అయితే అందులో నిజం ఎంత అనేది నాగార్జున నోరు విప్పితే కాని తెలియదు.
