కామెడీ యాక్టర్ గా గతంలో ఎన్నో మూవీ ల ద్వారా ఆడియన్స్ మనసు గెలుచుకున్న అల్లరి నరేష్ ఇటీవల ఒకింత యాక్షన్ ఎమోషనల్ మూవీ లు చేస్తూ వచ్చారు. ఇక మళ్ళి తాజాగా తన మార్క్ కామెడీ ఎంటర్టైన్మెంట్ అంశాలతో కూడిన ఆ ఒక్కటీ అడక్కు సినిమా ద్వారా ఆడియన్స్ ముందుకి వచ్చేందుకు సిద్ధం అవుతున్నారు. జాతి రత్నాలు సినిమా ఫేమ్ ఫరియా అబ్దుల్లా హీరోయిన్ గా నటిస్తున్న ఈ సినిమా ని మల్లి అంకం తెరకెక్కిస్తుండగా చిలకా ప్రొడక్షన్స్ బ్యానర్ పై రాజీవ్ చిలకా గ్రాండ్ గా నిర్మిస్తున్నారు.
ఇటీవల రిలీజ్ అయిన టీజర్, ఫస్ట్ సాంగ్ తో అందరిలో మంచి అంచనాలు ఏర్పరిచిన ఆ ఒక్కటీ అడక్కు సినిమా ని మార్చి 26న విడుదల చేయనున్నట్లు ఇటీవల మేకర్స్ ప్రకటించారు. అయితే కొన్ని కారణాల వల్ల రిలీజ్ డేట్ వాయిదా పడింది. ఇక లేటెస్ట్ టాలీవుడ్ బజ్ ప్రకారం ఈ సినిమా ని ఏప్రిల్ 19 న ఆడియన్స్ ముందుకి తీసుకువచ్చేందుకు మేకర్స్ సిద్ధం అయ్యారట. ఇక ఈ సినిమా న్యూ రిలీజ్ డేట్ పై అతి త్వరలో అఫీషియల్ అనౌన్స్ మెంట్ కూడా రానుంది. మరి ఈ సినిమా ద్వారా అల్లరి నరేష్ ఏ స్థాయి విజయం అందుకుంటారో చూడాలి.
