విమానాల్లో ప్రయాణికుల అనుచిత ప్రవర్తనకు సంబంధించిన ఘటనలు ఈ మధ్యకాలంలో బాగా ఎక్కువయ్యాయి. ముఖ్యంగా మహిళల పట్ల కొందరు తోటి ప్రయాణికులు వ్యవహరిస్తున్న తీరు సరిగా ఉండట్లేదు . తాజాగా ముంబై నుంచి గౌహతి వెళ్తున్న ఇండిగో ఫ్లైట్లో ఇలాంటి ఘటననే చోటుచేసుకుంది . ఇండిగో సంస్థకు చెందిన ఫ్లైట్ ముంబై నుంచి గౌహతికి బయలుదేరిపోయింది . విమానం టేకాఫ్ అయిన కాసేపటికి ఓ మహిళా ప్రయాణికురాలు..
లైట్స్‌ ఆఫ్‌ చేసి నిద్రపోయింది. అదే అదునుగా పక్క సీట్లో కూర్చున్న ఒక కేటుగాడు సదరు మహిళా ప్యాసింజర్ పట్ల అసభ్యకరంగా ప్రవర్తించాడు. నిద్రపోతున్న ఆమెపై చేతులు వేసి అసభ్యకరంగా వ్యవహరించాడు . తొలుత అనుకోకుండా చేయి తగిలి ఉంటుందని ఆమె అనుకునది . ఆ తర్వాత కూడా అతను అలాగే ప్రవర్తించడంతో గట్టిగా గట్టిగా అరుస్తూ లైట్స్‌ ఆన్‌ కూడా చేసింది. అనంతరం ఆ వ్యక్తిపై అక్కడున్న సిబ్బందికి ఫిర్యాదు చేసింది. ఫ్లైట్ గౌహతి ఎయిర్పోర్టుకు చేరుకున్న వెంటనే ఎయిర్ లైన్స్ సిబ్బంది సదరు వ్యక్తిని భద్రతా సిబ్బందికి అప్పగించారు. మహిళ ఫిర్యాదు మేరకు కేసు నమోదుచేసుకున్న పోలీసులు అతన్ని అరెస్ట్ చేసేసారు . గత రెండు నెలల వ్యవధిలో ఇండిగో విమానంలో ఇలాంటి ఘటనలు జరగడం ఇది నాల్గోసారి కావడం అని అర్ధం అవుతుంది .
