చిన్న మూవీ గా ప్రేక్షకుల ముందుకు వచ్చి మంచి విజయాన్ని అందుకుంది రొమాంటిక్‌ కామెడీ సినిమా ‘ప్రేమలు’. మలయాళంలో రిలీజ్ అయిన ఈ మూవీ కి వచ్చిన రెస్పాన్స్ తో తెలుగులోనూ రిలీజ్ చేశారు. గిరీశ్‌ ఎ.డి. దర్శకత్వంలో తెరకెక్కిన ఈ మూవీ లో నస్లెన్‌ కె.గఫూర్‌, మ్యాథ్యూ థామస్‌, మమితా బైజూ ప్రధాన పాత్రలు పోషించారు. ఈ మూవ్ ని తెలుగులో రాజమౌళి తనయుడు ఎస్‌.ఎస్‌. కార్తికేయ మార్చిలో విడుదల చేసి సక్సెస్‌ని అందుకున్నారు.
ఈ మూవీ కు వచ్చిన పాపులారిటీ చూసి ఇప్పుడు ఈ మూవీ కి సీక్వెల్‌ను ప్రకటించారు. 2025లో దీన్ని ప్రేక్షకుల ముందుకు తీసుకురానున్నట్లు చిత్రబృందం తెలిపింది. త్వరలోనే దీనికి సంబంధించిన మరిన్ని వివరాలను కూడా వెల్లడించనున్నారు. థియేటర్లలో అలరించిన ప్రేమలు.. ప్రస్తుతం తెలుగు ఓటీటీ ప్లాట్‌ఫామ్‌ ‘ఆహా’ వేదికగా స్ట్రీమింగ్ అవుతుంది . ఇక ఇందులో నటించిన మమిత బైజు అందానికి, నటనకి తెలుగు ప్రేక్షకులు ఫిదా అయ్యారు. ప్రేక్షకులే కాదు నిర్మాతలు కూడా ఈమె నటనకి మెస్మరైజ్ అయ్యారు. ప్రస్తుతం ఈ భామ తెలుగులో వరుస అవకాశాలు అందుకుంటున్నట్లు టాక్ వస్తుంది . .
