మోటోరోలా భారత మార్కెట్లో కొత్త బడ్జెట్ Moto G14 స్మార్ట్‌ఫోన్‌ను రిలీజ్ చేసింది.మరో కొత్త మొబైల్ తక్కువ బడ్జెట్లో మోటో నుంచి వచ్చేసింది. ప్రస్తుతానికి ఒక వేరియంట్ మన దేశంలో మాత్రమే లాంచ్ చేయబడింది. ఇది కూడా 4GB+128GB స్టోరేజీతో, రూ.9,999 ధర మాత్రమే వస్తుంది. ఈ Moto G14 స్మార్ట్‌ఫోన్ స్కై బ్లూ , స్టీల్ గ్రే కలర్లలో అందుబాటులో ఉంటుంది. ఈ స్మార్ట్‌ఫోన్లు రాబోయే రోజుల్లో మరికొన్ని రంగుల్లో రిలీజ్ కానున్నాయని మోటోరోలా కంపెనీ ప్రతినిధులు వెల్లడించారు. మన దేశంలో Moto G14 స్మార్ట్‌ఫోన్ ఆగస్టు 8 మంగళవారం మధ్యాహ్నం 12 గంటలకు ప్రారంభమైంది. ఈ స్మార్ట్‌ఫోన్లు Motorola , Flipkart ఇండియా వెబ్‌సైట్, రిటైల్ స్టోర్ల ద్వారా కొనుగోలు చేయొచ్చు. ICICI బ్యాంకు కార్డులను ఉపయోగించి ఫ్లిప్‌కార్ట్ ద్వారా Moto G14 స్మార్ట్‌ఫోన్ కొనాలనుకునే వారు రూ.750 ఇన్‌స్టంట్ డిస్కౌంట్‌ను పొందొచ్చు. అప్పుడు ఈ ఫోన్ రూ.9249కే వస్తుంది.
