అదేంటీ సంగీత దర్శకుడు ఎం.ఎం. కీరవాణి రోబో 2.0 లో పాట పాడడం ఏమిటీ…అందులోనూ ఆ సినిమాకి రెహ్మాన్ సంగీత దర్శకుడు కదా అని అనుకుంటున్నారా…? మీరు విన్నది నిజమే, ఏ. ఆర్. రెహ్మాన్ సంగీతదర్శకత్వం అందిస్తున్న భారీ ప్రతిష్టాత్మక చిత్రం ‘రోబో 2.0’ సినిమాలో మన సంగీత దర్శకుడు ఎం. ఎం. కీరవాణి “బుల్లిగువ్వా.. ఓ బుల్లిగువ్వా.. నీ కూతకై నే వేచానే” అంటూ సాగే ఒక పాట ని పాడారు.
ఈ పాట లో రెహ్మాన్ కొడుకైన ఏ. ఆర్. అమీన్ కూడా కోరస్ పాడాడు. ఈ పాట విన్న అక్కినేని నాగార్జున ఈ పాట చాలా బాగుందని, కీరవాణి అద్భుతంగా పాడారని తన ట్విట్టర్ పేజీలో కొనియాడారు.ఇక రోబో 2.0 సినిమా విషయానికి వస్తే, సుమారు 550 కోట్ల బడ్జెట్ తో లైకా ప్రొడక్షన్స్ నిర్మిస్తున్న ఈ సినిమాకి దర్శకుడు శంకర్ దర్శకత్వం వహిస్తున్నారు. ఈ సినిమాని తెలుగు లో ప్రముఖ నిర్మాత ఎన్.వి.ప్రసాద్ విడుదల చేస్తున్నారు.
సూపర్ స్టార్ రజినీకాంత్ వశీకర్ మరియు చిట్టి (హ్యూమనోయిడ్ రోబో) అంటూ ద్విపాత్రాభినయం చేస్తుండగా, అమీ జాక్సన్ హీరోయిన్ గా నటిస్తుంది. రోబో లో నటించిన ఐశ్వర్య రాయ్ ఈ సీక్వెల్ లో అతిధి పాత్రలో నటిస్తున్నట్లు సమాచారం. ప్రముఖ బాలీవుడ్ హీరో అక్షయ్ కుమార్ ఈ రోబో 2.0 లో క్రోమాన్ అనే విలన్ పాత్రలో నటిస్తున్నాడు. ఈ సినిమా ప్రపంచవ్యాప్తంగా ఈ నెల అనగా నవంబర్ 29 న విడుదలవుతుంది. మరి ఈ సినిమా బాహుబలి రికార్డులను తిరగరాస్తుందో లేదో వేచిచూడాలి.
