భారత దేశంలోని మహిళలను ఆర్థికంగా బలోపేతం చేయడం కోసం కేంద్ర ప్రభుత్వం ప్రధాన మంత్రి ముద్ర యోజన ప్రవేశపెట్టింది. గతంలో జీతం లేని ఇంటి పనికి, వేతన పనులకే పరిమితమైన మహిళలు ఇప్పుడు ఈ ముద్ర లోన్స్‌ కారణంగా టైలరింగ్ యూనిట్లు, బ్యూటీ పార్లర్లు, ఫుడ్ స్టాల్స్, అగ్రి-ప్రాసెసింగ్ వెంచర్లు, రిటైల్ దుకాణాలు వంటి సూక్ష్మ సంస్థలను ప్రారంభించి ఆర్థికంగా నిలదొక్కుంటున్నారు. అలాగే దేశ ఆర్థిక వ్యవస్థకు వారి వంతు సహకారం అందిస్తున్నారు. అయితే ఈ మార్పు కేవలం ఆర్థికపరమైనది మాత్రమే కాదు, ఇది చాలా సామాజికమైనది. ఇది ఇంట్లో మహిళల గౌరవం కూడా పెంచుతుంది.
