బాహుబలి చిత్రం తరువాత ప్రభాస్ ఇండియన్ సూపర్ స్టార్ గా ఎదిగాడు. అందుకు తగ్గట్టుగానే తన తరువాత సినిమాను సుజిత్ దర్శకత్వంలో అత్యంత భారి బడ్జెట్ తో చేస్తున్న విషయం తెలిసిందే. ఈ చిత్రం మొదలు పెట్టి వన్ ఇయర్ దాటింది. ఈ మద్య ప్రభాస్ బర్త్ డే సందర్బంగా సాహో చిత్రం మేకింగ్ వీడియో ని ఒక్కటి రిలీజ్ చేశారు అంతే తప్ప ఈ సినిమా ఎప్పుడు విడుదలవుతుంది అనే విషయం పైన క్లారిటీ లేదు. ఒక్క మాటగా 2019 సమ్మర్ లో వస్తుంది అనే టాక్ ఉన్నది. మహేష్ బాబు నటించిన మహర్షి చిత్రం ఏప్రిల్ లో వస్తుంది. ఈ చిత్రం కూడా భారీ బడ్జెట్ చిత్రమే, మెగాస్టార్ చిరంజీవి నటించిన సైరా నరసింహారెడ్డి చిత్రం ఏప్రిల్ చివరలో విడుదలకు సిద్దంగా ఉన్నది.
ఆ రెండు భారీ బడ్జెట్ చిత్రాల విడుదల తేది పైన ఓ క్లారిటీ ఉన్నది. కానీ సాహో చిత్రం విడుదల తేది పైన మాత్రం సస్పెన్స్ కొనసాగుతుంది. సాహో చిత్రానికి గ్రాఫిక్స్, విజువల్ ఎఫెక్ట్స్ ఎక్కువగానే ఉంటాయి కావున సమ్మర్ కి విడుదల చేయకపోవచ్చు , ఇంకా కొంచెం సమయం పట్టవచ్చు. దుబాయ్ షూటింగ్ షెడ్యూల్ తరువాత సాహో చిత్రం కొద్ది గా బ్రేక్ ఇచ్చింది. ఎందుకంటే గ్రాఫిక్స్ వర్క్ జరుగుతున్నది. ఈ సినిమా తర్వాత షెడ్యూల్ స్టార్ట్ అయ్యే లోపు ప్రభాస్ మరో సినిమాను దర్శకుడు రాధా కృష్ణ తో ఓ సినిమాను పట్టలేక్కించాడు. ప్రస్తుతం సాహో చిత్రం షూటింగ్ మళ్ళీ జరుపుకుంటుంది. సినీ వర్గాల ద్వారా అందుతున్న సమాచారం ప్రకారం ఈ సినిమాను ఆగస్ట్ లో స్వాతంత్ర దినోత్సవం కానుకగా విడుదల చెయ్యబోతున్నారట.
