టాలీవుడ్ యంగ్ హీరో శర్వానంద్, ఉప్పెన బ్యూటీ కృతి శెట్టి ప్రధాన పాత్రల్లో నటిస్తున్న మూవీ ‘మనమే’. ‘ఒకే ఒక జీవితం’ తర్వాత కొంచెం గ్యాప్ తీసుకొన్న శర్వా ఇప్పుడు ఈ మూవీ తో త్వరలోనే థియేటర్లలోకి రాబోతున్నారు . ఈ నేపథ్యంలో ఇవాళ ఈ మూవీ కి సంబంధించి మూవీ టీమ్ టీజర్ ని రిలీజ్ చేసింది. భలే ఆసక్తికరంగా చాలా ఫన్నీ గా ఈ టీజర్ సాగిపోయింది. మంచిగా కనిపించే వాళ్లందరు మంచోళ్లు కాదురగా.. ఫర్ ఎగ్జాంపుల్ నేను.. మంచిగా కనిపిస్తా.. కానీ మంచోణ్నా కాదు.. అని అంటూ శర్వా చెప్పే డైలాగ్ తో ఈ మూవీ టీజర్ మొదలైంది.
ఇక లండన్, యూరప్ బ్యాక్డ్రాప్పై ఈ కథ సాగుతున్నట్లు టీజర్ ద్వారా తెలుస్తుంది . హీరో మంచివాడిగా కనిపించే బ్యాడ్ బాయ్ అంటూ చెప్పుకుంటుండగా.. అనుకోకుండా ఆయనకి హీరోయిన్ పరిచయమవుతుంది. వారి జీవితంలోకి ఒక బాబు వచ్చాక ఆ ఇద్దరి లైఫ్ ఎలా సాగిందన్న విషయంపై సినిమా రూపొందుతున్నట్లు టీజర్ చూస్తే అర్థమవుతుంది . ఆ బాబు డైరెక్టర్ శ్రీరామ్ ఆదిత్య కుమారుడని కూడా టాక్ వస్తుంది .
