ముంబైలో ఘోర విమాన ప్రమాదం జరిగింది. ఉత్తరప్రదేశ్‌ ప్రభుత్వానికి చెందిన ఓ చార్టర్డ్ విమానం ముంబైలోని ఓ రద్దీ ప్రాంతంలో కూలిపోయింది. గురువారం మధ్యాహ్నం ఘట్కోపర్‌లో సర్వోదయ్ నగర్‌లో ఈ ప్రమాదం చేసుకుంది. ప్లేన్‌ ల్యాండ్ అవుతుండగా ఈ ప్రమాదం జరిగింది. ఈ ఘటనలో ఐదుగురు చనిపోయారు. విమానంలో ఉన్న నలుగురు సహా కింద వెళ్తున్న పాదచారి కూడా మృతి చెందారు. విమానం కుప్పకూలిన వెంటనే భారీగా మంటలు చెలరేగాయి. ఘటనా స్థలానికి చేరుకున్న అగ్నిమాపక సిబ్బంది మంటల్ని ఆర్పుతున్నారు.
#MumbaiPlaneCrash UY Aviation Pvt Ltd King Air C-90 aircraft VT-UPZ has met with an accident at Gathkoper.The aircraft took off from Juhu airport for test flight. There were 2 pilots & 2 AMEs on board.All on board aircraft along with one person on ground are dead. pic.twitter.com/NsshIy6VNc
— yasir mushtaq (@path2shah) June 28, 2018
జుహు ఎయిర్‌పోర్టులో ల్యాండ్ అవుతూ నిర్మాణంలో ఉన్న ఓ భవంతిపై కుప్పకూలినట్లు ప్రత్యక్షసాక్షులు తెలిపారు. ఎన్డీఆర్ఎఫ్ బృందాలు సైతం ఘటనా ప్రాంతానికి తరలివెళ్లాయి. కాగా, కొద్ది రోజుల క్రితం ఈ విమానానికి రిపేర్లు చేసినట్లు తెలిసింది. ఈ విమానం యూవై ఏవియేషన్ కు చెందిన విమానంగా గుర్తించారు. టెస్ట్ డ్రైవ్ చేస్తుండగా ఈ ప్రమాదం జరిగినట్లు తెలుస్తోంది. ఉత్తర ప్రదేశ్ ప్రభుత్వం నుంచి 2014లో ఈ విమానాన్ని యావై ఏవియేషన్ సంస్థ కొనుగోలు చేసింది. దీంతో ముంబైలో కూలిన ఛార్టర్డ్‌ విమానం ఉత్తర్‌ప్రదేశ్‌ది కాదని ముంబై యూవై ఏవియేషన్‌కి అమ్మేశామని యుపీ ప్రభుత్వం ఓ ప్రకటనలో వెల్లడించింది.
