Posted [relativedate] at [relativetime time_format=”H:i”]
గానగంధర్వుడు ఎస్వీ బాలసుబ్రమణ్యం ఆరోగ్యం కొన్నాళ్లుగా బాగుండటం లేదని, ఆయన అనారోగ్యంతో బాధపడుతున్నారంటూ సోషల్‌ మీడియాలో గత కొన్ని రోజులుగా జోరుగా ప్రచారం జరుగుతుంది. అనారోగ్య కారణాల వల్ల ఆయన ఇవ్వాల్సిన స్టేజ్‌ షోలను, ఇంకా పలు కార్యక్రమాలను రద్దు చేసుకున్నారంటూ ప్రచారం మొదలైంది. ఎస్వీబి ఆరోగ్యంపై వస్తున్న వార్తలతో ఆయన అభిమానులు కలవరంకు గురవుతున్నారు. ఆయన ఆరోగ్య పరిస్థితిని తెలుసుకునేందుకు ప్రతి రోజు వందల ఫోన్‌లు వస్తున్నాయి. ఆ కారణంగా ఎస్వీబీ నేరుగా మీడియా ముందుకు వచ్చి తన ఆనారోగ్యంపై వస్తున్న పుకార్లకు ఫుల్‌ స్టాప్‌ పెట్టే ప్రయత్నం చేశాడు.
తన అఫిషియల్‌ ఫేస్‌బుక్‌ పేజ్‌లో వీడియో మెసేజ్‌ను ఇచ్చి తాను ఆరోగ్యంగా ఉన్నట్లుగా అభిమానులకు క్లారిటీ ఇచ్చాడు. తాను షోలను రద్దు చేసుకోవడానికి కారణం తన సోదరి మరణించడం అని, ఆమె మరణం కారణంగా 12 రోజుల పాటు అక్కడే ఉండాల్సి వచ్చిందని ఆయన పేర్కొన్నాడు. జలువు, దగ్గు వచ్చి హాస్పిటల్‌కు వెళ్లినా కూడా తీవ్ర అనారోగ్యం అంటూ ప్రచారం చేస్తారా అని ఆయన ఆవేదన వ్యక్తం చేశారు. మళ్లీ తాను యదావిధిగా షోలు నిర్వహిస్తున్నాను, మొన్న 2వ తారీకున బెంగళూరులో ప్రదర్శణ ఇచ్చాను. ప్రస్తుతం రామోజీ ఫిల్మ్‌ సిటీలో స్వరాభిషేకం షూటింగ్‌లో పాల్గొంటున్నాను అంటూ చెప్పుకొచ్చాడు. మొత్తానికి ఎస్వీ బాలసుబ్రమణ్యం ఆరోగ్యంగా ఉన్నాను అంటూ స్వయంగా ప్రకటించడంతో ఆయన అభిమానులు రిలాక్స్‌ అయ్యారు. అయితే ఇలాంటి చెత్త పుకార్లను, చెత్త ప్రచారాలను చేస్తూ మనోభావాలను దెబ్బ తీయడం మంచి పద్దతి కాదని సోషల్‌ మీడియాలోని వారికి సినీ ప్రముఖులు సలహా ఇస్తున్నారు.
మరిన్ని వార్తలు:
