కేజీఎఫ్, కేజీఎఫ్-2 చిత్రాలతో ఇండియన్ బాక్సాఫీస్‌ను షేక్ చేసిన కన్నడ డైరెక్టర్ ప్రశాంత్ నీల్, ఆ సినిమాలతో తనకంటూ ప్రత్యేక ఇమేజ్‌ను క్రియేట్ చేసుకున్నాడు. ఇండియా స్టార్ ప్రభాస్‌తో కలిసి ‘సలార్’ మూవీతో మరోసారి బాక్సాఫీస్ వద్ద కళ్లు చెదిరే సక్సెస్ అందుకున్నారు. వరుస బ్లాక్‌బస్టర్స్‌తో ఈ డైరెక్టర్ దూసుకుపోతుండటంతో, యావత్ ఇండియన్ మూవీ లవర్స్ ఈ డైరెక్టర్ తెరకెక్కించే సినిమాలవైపు చూస్తున్నారు.
జూన్ 4న పుట్టినరోజు జరుపుకుంటున్న ప్రశాంత్ నీల్‌కు కన్నడతో పాటు ఇతర ఇండస్ట్రీల నుండి కూడా విషెస్ అందుతున్నాయి. తాజాగా ‘సలార్’ హీరో ప్రభాస్ కూడా ఈ క్రేజీ డైరెక్టర్‌కు బర్త్ డే విషెస్ అందించారు. “లవ్ యూ సర్.. హావ్ ఎ బ్యూటిఫుల్ బర్త్ డే” అంటూ సలార్ షూటింగ్ సమయంలోని ఓ ఫోటోను తన ఇన్‌స్టా స్టోరీలో షేర్ చేశారు.ఈ కాంబినేషన్‌లో ‘సలార్-2’ మూవీ ఎప్పుడు వస్తుందా అని అభిమానులు ఎంతో ఆసక్తిగా ఎదురు చూస్తున్నారు. ప్రస్తుతం ప్రశాంత్ నీల్ తన నెక్ట్స్ చిత్రాన్ని యంగ్ టైగర్ ఎన్టీఆర్‌తో కలిసి చేయనున్నారు. ఈ సినిమా తర్వాత ప్రభాస్‌తో ‘సలార్-2’ మూవీని స్టార్ట్ చేస్తారనే వార్తలు వినిపిస్తున్నాయి.
