Posted [relativedate] at [relativetime time_format=”H:i”]
ఇప్పటిదాకా రాళ్లు వేయడం రామ్ గోపాల్ వర్మకి బాగా అలవాటు అయిపోయింది. ఇటు సినిమా వాళ్ళు అయినా అటు రాజకీయ నాయకులు అయినా ఒక్కసారి వర్మ బారిన పడితే చాకిరేవులో నిలబడ్డట్టే. తనదైన విమర్శలతో ఆలా ఎవరినైనా ఉతికి ఆరేసే వర్మ తాజాగా ఆంధ్ర ఎంపీలను జోకర్లుగా పోల్చేసారు. అయితే కామెంట్స్ బారిన పడ్డ చిత్తూరు ఎంపీ శివప్రసాద్ చూస్తూ ఊరుకోలేదు.
వర్మ విచిత్రంగా కామెంట్స్ చేస్తాడన్న శివప్రసాద్ ఆయన మీద ఓ బాధ్యత పెట్టాడు. ఊరికే జోకర్లు అని విమర్శించడంతో ఆపకుండా పార్లమెంట్ లో ఎలా పోరాడాలో చెబితే బాగుండేది అని అన్నారు. వర్మ ఈ సవాల్ ని స్వీకరించి పార్లమెంట్ లో పోరాటం గురించి శివప్రసాద్ కి ఏదైనా ఐడియా ఇస్తాడో లేక రాయి వేయడం వరకే నా పని , దెబ్బకు కట్టు కట్టే పని కాదంటాడో చూడాలి.
