తమిళనాడు ముఖ్యమంత్రి, తమిళగ వెట్రి కళగం (TVK) అధినేత సి. జోసెఫ్ విజయ్ (Thalapathy Vijay), ఆయన భార్య సంగీత స్వర్ణలింగం మధ్య కొనసాగుతున్న విడాకుల వ్యవహారానికి ఎట్టకేలకు తెరపడింది. విజయ్పై చెంగల్పట్టు ఫ్యామిలీ కోర్టులో దాఖలు చేసిన విడాకుల పిటిషన్ను ఉపసంహరించుకుంటున్నట్లు సంగీత కోర్టుకు తెలిపారు.
వర్చువల్ విధానంలో జరిగిన విచారణకు సంగీత హాజరై, తాను దాఖలు చేసిన విడాకుల పిటిషన్ను ఇకపై కొనసాగించదలచుకోలేదని న్యాయస్థానానికి వెల్లడించారు. ఈ కేసును ఉపసంహరించుకునేందుకు తనకు అనుమతి ఇవ్వాలని కోరారు. దీనిపై విజయ్ తరఫు న్యాయవాదులు ఎలాంటి అభ్యంతరం లేదని కోర్టుకు తెలిపారు. దీంతో సంగీత విజ్ఞప్తిని అనుమతించిన న్యాయస్థానం కేసును ముగించింది.
కోర్టులో పిటిషన్ ఉపసంహరణ
2026 ఫిబ్రవరిలో సంగీత చెంగల్పట్టు జిల్లా ఫ్యామిలీ కోర్టులో స్పెషల్ మ్యారేజ్ యాక్ట్ కింద విడాకుల పిటిషన్ దాఖలు చేశారు. తమ 27 ఏళ్ల వైవాహిక జీవితంలో తలెత్తిన మనస్పర్థలు, మానసిక వేదన కారణంగా విడాకులు కోరుతున్నట్లు ఆమె పిటిషన్లో పేర్కొన్నట్లు సమాచారం.
అయితే విజయ్ తమిళనాడు ముఖ్యమంత్రిగా కొనసాగుతున్న సమయంలో ఈ విడాకుల వ్యవహారం తెరపైకి రావడం రాజకీయ, సినీ వర్గాల్లో తీవ్ర చర్చకు దారితీసింది. తాజాగా సంగీత తన విడాకుల పిటిషన్ను ఉపసంహరించుకోవడంతో ఈ వ్యవహారానికి అధికారికంగా ముగింపు పడింది.
