వాళ్ళ మొహాల్లో వికటాట్టహాసం…కాళ్ళ కింద భూకంపం.

Posted [relativedate] at [relativetime time_format=”H:i”] 

“ చెరపకురా చెడేవు “ అన్నది ఎంత పాత సామెత. ఈ సామెత లేటెస్ట్ గా ఇంకోసారి భలే ప్రూవ్ అయ్యింది. 2004 నుంచి 2014 దాకా కాంగ్రెస్ గొడుగు కింద అధికారం,పదవులు అనుభవించి ఆ పార్టీ తీసుకున్న రాష్ట్ర విభజన నిర్ణయంతో చాలా మంది రాజకీయ నిరుద్యోగులు అయ్యారు. వీళ్లంతా కాంగ్రెస్ లో వున్నప్పుడు చంద్రబాబు వ్యతిరేకత అన్న తాడు పట్టుకుని క్షేమంగా తమ రాజకీయం చేసుకున్నారు. దీంతో విభజన తర్వాత టీడీపీ లో చేరడానికి వీరికి మొహం చెల్లలేదు. ఇక వైసీపీ లో చేరదామంటే ఇక సీఎం కుర్చీలో కూర్చోవడమే ఆలస్యం అన్నట్టు వ్యవహరించిన జగన్ వీరిని పట్టించుకున్న పాపాన పోలేదు. దీంతో ఏ గతి లేక ఆంధ్రప్రదేశ్ లో భవిష్యత్ లేదు అని తెలిసినా ఈ బ్యాచ్ అంతా కట్టగట్టుకుని బీజేపీ లో చేరారు. 2014 ఎన్నికల తర్వాత చంద్రబాబు అధికార పీఠం ఎక్కడం ఈ బ్యాచ్ కి ఏ మాత్రం రుచించలేదు. అయితే అప్పటికే బీజేపీ లో చేరి వున్నారు కాబట్టి ఆ పార్టీ నేతృత్వంలో నడుస్తున్న కేంద్రం నుంచి చంద్రబాబు సర్కార్ కి సహాయం అందకుండా అడ్డుపడ్డారు. నష్టపోయేది ఆంధ్రప్రదేశ్ ప్రజలు అని తెలిసినా చంద్రబాబు మీద కోపం , తమ ఇగో చల్లార్చుకోడానికి రాష్ట్ర ప్రయోజనాలను అధిష్ఠానం మెప్పు కోసం తాకట్టు పెట్టారు.