Posted [relativedate] at [relativetime time_format=”H:i”]
పిచ్చి ముదిరింది. పైత్యం ప్రకోపించింది. ఇలాంటి వ్యాఖ్యానాలన్నీ ట్రంప్ చేస్ పనులకి తక్కువే అవుతాయి. అసలు ట్రంప్ ను చూసి మెంటల్ ఆస్పత్రుల బదులుగా కొత్తగా ట్రంప్ ఆస్పత్రులు పెట్టాలని డాక్టర్లు సెటైర్లేస్తున్నారు. మీడియాపై కోపాన్ని ట్విటర్లో ప్రదర్శించిన ట్రంప్ పైత్యానికి సోషల్ మీడియా ఠారెత్తిపోతోంది. అసలు ట్రంప్ ఏం చేయాలనుకుంటున్నారో రిపబ్లికన్లకే అంతుబట్టడం లేదు.
అమెరికాలో ఫేమస్ ఛానెల్ సీఎన్ఎన్ ను క్లింటన్ న్యూస్ నెట్ వర్క్ గా గతంలో అభివర్ణించిన ట్రంప్… ఇప్పుడు ఏకంగా ఫ్రాడ్ న్యూస్ నెట్ వర్క్ అంటున్నారు. ట్విటర్లో డబ్లూడబ్లూడబ్లూ వీడియో పోస్ట్ చేసిన ట్రంప్… తాను పిడిగుద్దులు గుద్దుతున్న వ్యక్తి ముఖంపై సీఎన్ఎన్ లోగో అంటించి ట్విటర్లో వీడియో వదిలారు. ట్రంప్ అతి చూసి నెటిజన్లు మండిపడుతున్నారు. ప్రపంచ చరిత్రలో ఏ అధ్యక్షుడు చేయని విధంగా ట్రంప్ దిగజారి ప్రవర్తించారు. అత్యున్నతమైన అమెరికా అధ్యక్ష స్థానానికి మాయని మచ్చ తీసుకొచ్చారు. వీడ్ని ఎందుకు ఎన్నుకున్నామురా భగవంతుడా అని అనుకోని అమెరికన్ లేడంటే అతిశయోక్తి కాదు. ట్రంప్ కు గర్వం తలకెక్కిందని, అధికారం పోయాకే ఆయన విషయం అర్థమౌతుందని సన్నిహితులే వ్యాఖ్యానిస్తున్నారు.
మరిన్ని వార్తలు
