Posted [relativedate] at [relativetime time_format=”H:i”]
జైలవకుశ ప్రీ రిలీజ్ ఫంక్షన్ లో ఎన్టీఆర్ తండ్రి హరికృష్ణ ని ఉద్దేశించి మాట్లాడిన మాటలు ఇప్పుడు సినీ , రాజకీయ రంగాల్లో సంచలనం అయ్యాయి. ఈ జన్మకి మీ ఋణం తీర్చుకోలేను, అభిమానులతోనే ఉంటా అని ఎన్టీఆర్ చెప్పడాన్ని అంతా చర్చించుకుంటున్నారు. హరికృష్ణ కోరుకున్నట్టు రాజకీయాల్లోకి రాలేనని ఎన్టీఆర్ అలా చెప్పారని భావిస్తున్నారు. అయితే ఎన్టీఆర్ సినిమా కెరీర్ కన్నా రాజకీయ రంగం బాగా కలిసి వస్తుంది అంటున్నారు ఓ జ్యోతిష్కుడు. ఆయనే వేణు స్వామి.
ప్రముఖుల జాతకాలు సోషల్ మీడియా ద్వారా విశ్లేషిస్తున్న వేణు స్వామి ఇద్దరు మహిళా అభిమానుల కోరిక మేరకు ఎన్టీఆర్ రాజకీయ జీవితం మీద ఫోకస్ చేసారంట. ఆయన చేసిన విశ్లేషణ ప్రకారం సినీ రంగంలో కన్నా రాజకీయ రంగంలో జూనియర్ ఎన్టీఆర్ అద్భుతంగా రాణించే అవకాశం ఉందట. సినిమాల్లో అప్ అండ్ డౌన్స్ చూసే ఎన్టీఆర్ కి పాలిటిక్స్ లో మాత్రం ఎదురు ఉండదట. 2020 తర్వాత ఎన్టీఆర్ రాజకీయాల్లోకి అడుగు పెట్టే అవకాశం ఉందని వేణు స్వామి చెబుతున్నారు. తెలుగు దేశం పార్టీ కి ఏ సమస్య ఎదురైనా దాన్ని నిలబెట్టే శక్తిసామర్ధ్యాలు ఎన్టీఆర్ కి వున్నాయట. పెద్ద ఎన్టీఆర్, జయలలిత తరహాలో జూనియర్ ని ప్రజలు తమ గుండెల్లో పెట్టుకుని చూస్తారట . అయితే ఇవన్నీ జరగాలంటే ఎన్టీఆర్ ఒక జాగ్రత్త తీసుకోవాలట. మాట్లాడేటప్పుడు ఆచితూచి వ్యవహరిస్తేనే ఇవన్నీ జరిగే ఛాన్స్ ఉందట.
మరిన్ని వార్తలు:
