Posted [relativedate] at [relativetime time_format=”H:i”]
యాక్షన్‌ చిత్రాలకు బ్రాండ్‌ అంబాసిడర్‌ అయిన వివి వినాయక్‌ ప్రస్తుతం మెగా హీరో సాయి ధరమ్‌ తేజ్‌ హీరోగా ఒక చిత్రాన్ని చేస్తున్న విషయం తెల్సిందే. భారీ అంచనాల నడుమ రూపొందుతున్న ఆ సినిమా వచ్చే సంవత్సరం వేసవిలో విడుదల అయ్యే అవకాశం ఉంది. సాయి ధరమ్‌ తేజ్‌తో సినిమా చేస్తుండగానే వినాయక్‌ మరో సినిమాకు కమిట్‌ అయ్యాడు. నల్లమల్లపు బుజ్జి నిర్మాణంలో వివి వినాయక్‌ దర్శకత్వంలో ఒక చిత్రం తెరకెక్కబోతుంది. తాజాగా ఈ విషయంపై క్లారిటీ వచ్చింది. అయితే వినాయక్‌ ఏ హీరోతో తన తర్వాత సినిమా చేస్తాడు అనే విషయంలో క్లారిటీ రావాల్సి ఉంది.
గత కొంత కాలంగా వినాయక్‌, మహేష్‌బాబుల కాంబో మూవీ గురించి మీడియాలో వార్తలు వస్తున్నాయి. ఇప్పుడు తాజాగా వినాయక్‌ కమిట్‌ అయిన సినిమా మహేష్‌బాబుతో ఉండవచ్చు అంటున్నారు. సినీ వర్గాల నుండి అందుతున్న సమాచారం ప్రకారం నిర్మాత నల్లమల్లపు బుజ్జి మహేష్‌బాబు డేట్ల కోసం ప్రయత్నాలు చేస్తున్నాడు. త్వరలోనే మహేష్‌బాబు నుండి బుజ్జికి ఒక స్పష్టత వచ్చే అవకాశం ఉంది. ఒక వేళ మహేష్‌బాబు డేట్లు ఇవ్వకుంటే మెగా హీరోతో వీరిద్దరు సినిమా చేసే అవకాశం ఉంది. వినాయక్‌ ఈ సంవత్సరం ఆరంభంలో ‘ఖైదీ నెం.150’ చిత్రంతో భారీ విజయాన్ని సొంతం చేసుకున్నాడు. ఆ తర్వాత కాస్త గ్యాప్‌ తీసుకుని సాయి ధరమ్‌ తేజ్‌తో సినిమా చేస్తున్నాడు. తేజూతో సినిమా పూర్తి అవ్వడమే ఆలస్యం వెంటనే మహేష్‌బాబుతో సినిమాను మొదలు పెట్టే అవకాశం ఉంది.
