మెగాపవర్‌ స్టార్‌ రామ్‌చరణ్‌ ‘ధృవ’, ‘రంగస్థలం’ చిత్రాలతో వరుస సక్సెస్‌లతో దూసుకుపోతున్నాడు. చరణ్‌ ప్రస్తుతం బోయపాటి శ్రీనివాస్‌ దర్శకత్వంలో నటిస్తున్నాడు. షూటింగ్‌ చివరి దశకు చేరుకున్న ఈ చిత్రాన్ని సంక్రాంతి కానుకగా ప్రేక్షకుల ముందుకు తీసుకురావాలని చిత్ర యూనిట్‌ ప్లాన్‌ చేస్తున్నారు. ఈ చిత్రంలో చెర్రీతో కియారా అద్వానీ రొమాన్స్‌ చేస్తోంది. ‘వినయ విధేయ రామా’ అనే టైటిల్‌ను ఈ చిత్రం కోసం యూనిట్‌ పరిశీలిస్తున్నట్టు తెలుస్తోంది. ఈ చిత్రానికి మంచి ఐటం సాంగ్‌ ఉంటే బావుంటదని, మాస్‌ ప్రేక్షకులను ఆకట్టుకునే విధంగా ఈ పాటను తెరకెక్కించాలని బోయపాటి ప్లాన్‌ చేస్తున్నాడు.
ప్రత్యేక పాట గురించి బోయపాటి దేవిశ్రీకి చెప్పగా దేవిశ్రీ అందుకు తగిన ట్యూన్స్‌ రెడి చేసే పనిలో పడ్డాడని తెలుస్తోంది. అయితే ఈ చిత్రంలో ఐటెంగా ఎవరు చిందులేస్తారనేది ఇంకా క్లారిటీ లేదు. బాలీవుడ్‌ భామతో ఈ చిత్రంలో చెర్రీ సరసన చిందులేయించాలని బోయపాటి భావిస్తున్నాడు. త్వరలోనే ఆ బాలీవుడ్‌ హాట్‌బ్యూటీ పేరును అధికారికంగా ప్రకటించనున్నారు. బాలీవుడ్‌ భామ ప్రత్యేక పాటలో పాల్గోనడం ఈ చిత్రానికి పెద్ద ప్లస్‌ అవుతుందని సినీ విశ్లేషకులు అంటున్నారు. చరణ్‌ నటించిన ‘రంగస్థలం’ భారీ సక్సెస్‌ సాధించి తాజాగా బుల్లితెరపై కూడా చరణ్‌ ఈ చిత్రానికి లేని విధంగా రికార్డు స్థాయిలో టీఆర్‌పీ రేటింగ్స్‌ను సొంతం చేసుకుంది. దాంతో ఈ చిత్రంపై అంచనాలు తారా స్థాయిలో ఉన్నాయి.
