టాలీవుడ్ నటుడు అల్లరి నరేష్ ప్రధాన పాత్రలో, డైరెక్టర్ మల్లి అంకం దర్శకత్వం లో తెరకెక్కుతున్న మూవీ ఆ ఒక్కటీ అడక్కు. ఈ మూవీ తో ఆడియెన్స్ ని మళ్ళీ తనదైన కామెడీ మార్క్ తో అలరించడానికి రెడీ అవుతున్నాడు. జాతి రత్నాలు ఫేమ్ ఫరియా అబ్దుల్లా కథానాయికగా నటిస్తున్న ఈ చిత్రం మార్చి 22, 2024న విడుదల కావాల్సి ఉంది. అయితే ఈ మూవీ రిలీజ్ వాయిదా పడినట్లు సమాచారం. కొత్త విడుదల తేదీని త్వరలో ప్రకటించనున్నారు మేకర్స్.
అయితే ఈ మూవీ టీజర్‌ను మార్చి 12, 2024న విడుదల చేస్తున్నట్లు మేకర్స్ తాజాగా ఒక సరికొత్త పోస్టర్ ద్వారా వెల్లడించారు. ఆ ఒక్కటీ అడక్కు మూవీ లో జామీ లీవర్, కల్పలత, హరి తేజ, వెన్నెల కిషోర్, హర్ష చెముడు, అనీష్ కురువిల్లా తదితరులు కీలక పాత్రలు పోషిస్తున్నారు. చిలకా ప్రొడక్షన్స్ పతాకంపై రాజీవ్ చిలక నిర్మిస్తున్న ఈ మూవీ కోసం ఆడియెన్స్ ఎంతగానో ఎదురు చూస్తున్నారు.
