Posted [relativedate] at [relativetime time_format=”H:i”]
రాహుల్‌ రవీంద్రన్‌, ఛాందిని చౌదరి జంటగా తెరకెక్కిన చిత్రం ‘హౌరాబ్రిడ్జ్‌’. పలు సినిమాల్లో నటించి మెప్పించిన రాహుల్‌ రవీంద్రన్‌ మరియు యూట్యూబ్‌ స్టార్‌గా గుర్తింపు తెచ్చుకుని సినిమాల్లో ఇప్పుడిప్పుడే హీరోయిన్‌గా ఫేంను సాధిస్తున్న ఛాందిని చౌదరిల రొమాంటిక్‌ ఎంటర్‌టైనర్‌ అయిన ఈ చిత్రం టీజర్‌ తాజాగా విడుదలైంది. టీజర్‌ చూస్తుంటే ఖచ్చితంగా ఈ సినిమా యూత్‌ ఆడియన్స్‌కు ఎక్కేస్తుందని అనిపిస్తుంది. యూత్‌కు కావాల్సిన అంశాలు అన్ని ఈ సినిమాలో ఉండబోతున్నట్లుగా టీజర్‌ను చూస్తుంటేనే అనిపిస్తుంది. రాహుల్‌ రవీంద్రన్‌ మరియు ఛాందిని మద్య రొమాన్స్‌ కూడా అదిరిపోయింది.
టీజర్‌తోనే అంచనాలను పెంచిన ఈ సినిమాకు రేవన్‌ యాదు దర్శకత్వం వహించగా ఈఎంవీఈ సంస్థ ప్రతిష్టాత్మకంగా కథానుసారంగా మంచి నిర్మాణాత్మక విలువలతో సినిమాను నిర్మించడం జరిగింది. టీజర్‌ చూస్తుంటే చాలా కూల్‌గా, మంచి క్వాలిటీతో సినిమాను తెరకెక్కించినట్లుగా అనిపిస్తుంది. యూత్‌ ఆడియన్స్‌తో పాటు ఫ్యామిలీ ఆడియన్స్‌ కూడా ఈ సినిమాను ఖచ్చితంగా ఆధరిస్తారని నిర్మాతలు చెబుతున్నారు. త్వరలోనే షూటింగ్‌ను పూర్తి చేసి ట్రైలర్‌ను మరియు ఆడియోను విడుదల చేసేందుకు ప్లాన్‌ చేస్తున్నట్లుగా దర్శకుడు చెప్పుకొచ్చాడు. ఈ సినిమాతో రాహుల్‌ రవీంద్రన్‌ మరియు ఛాందిని చౌదరిల స్థాయి పెరగడం ఖాయం అని, వీరి జంటకు మంచి మార్కులు పడటంతో పాటు ఖచ్చితంగా ప్రేక్షకులు ఎంజాయ్‌ చేస్తారని అంటున్నారు. ఈ చిత్రాన్ని శేఖర్‌ చంద్ర అందించిన సంగీతం హైలైట్‌గా నిుస్తుందని అంటున్నారు.
