Posted [relativedate] at [relativetime time_format=”H:i”]
నందమూరి బాలకృష్ణ, బోయపాటిల కాంబినేషన్‌లో వచ్చిన ‘సింహా’ చిత్రం ఎంతటి ఘన విజయం సాధించిందో ప్రత్యేకంగా చెప్పనక్కర్లేదు. బాలయ్య కెరీర్‌లోనే మొదటి సారి 50 కోట్లను క్రాస్‌ చేసిన సినిమాగా సింహా నిలిచింది. ఆ సినిమా తర్వాత బాలయ్య స్థాయి పెరిగి పోయింది. అయితే ఆ స్థాయిలో బాలయ్యకు మళ్లీ విజయం దక్కలేదని చెప్పాలి. ఈ సంవత్సరం విడుదలైన ‘గౌతమిపుత్ర శాతకర్ణి’ చిత్రం కూడా ఆ స్థాయిలో విజయాన్ని సొంతం చేసుకోలేదు అంటూ నందమూరి ఫ్యాన్స్‌ అంటున్నారు. ఇక ‘సింహా’ స్థాయిని చేరుకునేందుకు వచ్చే సంవత్సరం బాలయ్య ‘జైసింహా’తో బాక్సాఫీస్‌పై పంజా విసరబోతున్నాడు.
టైటిల్‌లో సింహా పదం ఉంటే బాలయ్యకు సక్సెస్‌ గ్యారెంటీ. ఇప్పటి వరకు ఎన్నో సినిమాలు అలా సక్సెస్‌ అయ్యాయి. ‘సింహా’ లుక్‌తో పాటు, అచ్చు సినిమా టైటిల్‌ లోగో మాదిరిగానే ‘జైసింహా’ను కూడా డిజైన్‌ చేయించారు. సింహా సెంటిమెంట్‌ వర్కౌట్‌ అవ్వానే ఉద్దేశ్యంతో బాలయ్య చాలా ప్రయత్నాలు చేస్తున్నాడు. సింహాలో మాదిరిగానే జైసింహాలో కూడా ద్విపాత్రాభినయంలో బాలయ్య కనిపించబోతున్నాడు. సింహా చిత్రం టాలీవుడ్‌ బాక్సాఫీస్‌ను షేక్‌ చేసింది. జైసింహాతో కూడా బాలయ్య షేక్‌ చేయాలని భావిస్తున్నాడు.
‘సింహా’ చిత్రంలో హీరోయిన్‌గా నయనతార నటించిన విషయం తెల్సిందే. ఇక జైసింహా చిత్రంలో కూడా హీరోయిన్‌గా నయనతార నటిస్తోంది. ఇలా పలు అంశాలు, సెంటిమెంట్‌లు కలుస్తున్న కారణంగా జైసింహా మరో సింహా అవ్వడం ఖాయం అంటూ నందమూరి ఫ్యాన్స్‌ నమ్మకంతో ఉన్నారు. అయితే దర్శకుడు ఇప్పటి వరకు తెలుగులో మంచి సక్సెస్‌ను అందుకోలేదు. తమిళంలో స్టార్‌ అయినా కూడా తెలుగులో మాత్రం కేఎస్‌ రవికుమార్‌కు పెద్దగా స్టార్‌డం లేదు. తమిళ ఫ్లేవర్‌లో సినిమాను తెరకెక్కించాడేమో అనే అనుమానాలు కొందరు వ్యక్తం చేస్తున్నారు. మొత్తానికి ‘జైసింహా’ చిత్రం సంక్రాంతికి అయితే సూపర్‌ హిట్‌ లేదా అట్టర్‌ ఫ్లాప్‌ అంటూ కొందరు విశ్లేషిస్తున్నారు. ఏది ఏమైనా బాలయ్య కెరీర్‌లో ‘జైసింహా’ నిలిచిపోయే సినిమాలా ఉంటుందని చెబుతున్నారు.
