బాహుబలి చిత్రం త‌ర్వాత ప్రభాస్ న‌టిస్తున్న చిత్రం సాహో. సుజీత్ ద‌ర్శ‌క‌త్వంలో తెర‌కెక్కుతున్న హైఓల్టేజ్ యాక్ష‌న్ ఎంటర్‌టైన‌ర్ సాహోపై మొద‌టి నుండి భారీ ఎక్స్‌పెక్టేష‌న్స్ ఉన్నాయి. ఏకంగా 300 కోట్ల భారీ బ‌డ్జెట్‌తో తెర‌కెక్కుతున్న ఈ చిత్రాన్ని యువీ క్రియేష‌న్స్ నిర్మిస్తుంది . ఈ చిత్రానికి సంబంధించి విడుద‌లైన పోస్ట‌ర్స్‌, మేకింగ్ వీడియోల‌కి మంచి రెస్పాన్స్ వ‌చ్చింది. రీసెంట్‌గా సైకో సయాన్ అనే సాంగ్ ఫుల్ వీడియో విడుదల చేసింది చిత్ర బృందం. ఆ సాంగ్ బ్యాక్‌గ్రౌండ్ మ్యూజిక్ కేక పెట్టించ‌గా, ప్రభాస్, శ్రద్ధ లుక్స్ కూడా సూపర్బ్‌గా ఉన్నాయి. ఇప్ప‌టి వ‌ర‌కు ఈ వీడియోని 11,473,089 మంది వీక్షించారు. ఈ సాంగ్ అరుదైన రికార్డ్ సాధించింది. ప్రపంచ వ్యాప్తంగా యూట్యూబ్‌లో ఎక్కువ మంది వీక్షించిన వీడియోగా సైకో సయాన్ నిలిచింది. త‌నిష్క్ బ‌గ్చీ ఈ పాట‌కి సంగీతాన్ని అందించ‌గా.. సాచెట్ తండ‌న్‌, ధావ‌ని బ‌నుషాలి, త‌నిష్క్ బ‌గ్చీ ఆలపించారు. ఆగస్ట్ 15న స్వాతంత్య్ర దినోత్సవ సందర్భంగా సాహో సినిమా విడుదల అవుతుంది. ఈ చిత్రాన్ని తెలుగుతో పాటు తమిళ, హిందీ, మ‌ళ‌యాల భాషల్లోనూ విడుదల చేస్తున్నారు. నీల్‌ నితిన్‌ ముఖేశ్‌, ఎవ్లిన్‌ శర్మ, మురళీ శర్మ, జాకీ ష్రాఫ్‌, మందిరా బేడీ లాంటి బాలీవుడ్ స్టార్స్ ఈ చిత్రంలో న‌టిస్తున్నారు. శంక‌ర్ ఎహ‌సాన్ లాయ్ త‌ప్పుకున్న త‌ర్వాత ఈ చిత్రానికి జిబ్రాన్ చిత్రానికి సంగీతం అందిస్తున్నాడు.
