Posted [relativedate] at [relativetime time_format=”H:i”]
మారుతి దర్శకత్వంలో తెరకెక్కిన ‘ప్రేమకథాచిత్రమ్‌’తో ప్రేక్షకులకు సుపరిచితుడు అయిన సప్తగిరి ఆ తర్వాత పలు చిత్రాల్లో కమెడియన్‌గా చాలా కీలక పాత్రలు పోషించాడు. పు సినిమాలు సప్తగిరి కామెడీ కారణంగా ఆడాయి. అటువంటి సప్తగిరి ‘సప్తగిరి ఎక్స్‌ప్రెస్‌’ చిత్రంగా హీరోగా ఎంట్రీ ఇచ్చాడు. తెలుగులో కమెడియన్స్‌ హీరోలుగా చేయడం చాలా కామన్‌. అలాగే సప్తగిరి ఒకటి రెండు సినిమాలు చేసి ఊరుకుంటాడు అని, ఒక సాదా సీదా కమెడియన్‌ సినిమాల తరహాలోనే సప్తగిరి సినిమాలు ఉంటాయని అంతా భావించారు. కాని సప్తగిరి ఎక్స్‌ప్రెస్‌ సినిమా మంచి విజయాన్ని సొంతం చేసుకుంది. ఇప్పుడు సప్తగిరి ఎల్‌ఎల్‌బి అంటూ ప్రేక్షకుల ముందుకు వచ్చేందుకు సిద్దం అయ్యాడు.
ఒక పూర్తి స్థాయి కమర్షియల్‌ హీరోగా ఈ చిత్రంలో సప్తగిరి కనిపించబోతున్నాడు. కామెడీ, ఎమోషన్‌, యాక్షన్‌ ఇలా అన్ని విధాలుగా సప్తగిరి ఈ చిత్రంలో నటించాడు. ఇటీవలే విడుదలైన టీజర్‌తో సినిమాలో మ్యాటర్‌ ఉందనిపించారు. తాజాగా విడుదలైన ట్రైలర్‌తో సినిమాపై అంచనాలు అమాంతం పెరిగి పోయాయి. ఖచ్చితంగా సినిమాలో మ్యాటర్‌ ఉంటుందని, ఇది అన్ని వర్గాల ప్రేక్షకులను ఆకట్టుకునే ఒక కమర్షియల్‌ సినిమాల ఉండబోతుందని అంటున్నారు. సప్తగిరి తన కామెడీతో పాటు తన యాక్షన్‌ మరియు ఎమోషన్‌తో సినిమాలో రచ్చ చేయడం ఖాయం అంటూ ట్రైలర్‌ చూస్తుంటే అనిపిస్తుంది. ఈ చిత్రం అతి త్వరలో ప్రేక్షకుల ముందుకు రాబోతుంది. అన్ని ఏరియాల్లో కూడా ఇప్పటికే ఈ సినిమా అమ్ముడు పోయింది. త్వరలోనే విడుదల కాబోతున్న ఈ సినిమా సప్తగిరిని హీరోగా మరో మెట్టు ఎక్కించడం ఖాయం అంటూ ప్రచారం జరుగుతుంది.
