Posted [relativedate] at [relativetime time_format=”H:i”]
బాలీవుడ్ స్టార్ హీరోయిన్ సోనాక్షి సిన్హా భలే ఛాన్స్ కొట్టినట్టు సమాచారం. ఆమెకి మెగా స్టార్ చిరంజీవి సరసన నటించే అవకాశం తలుపు తట్టినట్టు ఓ న్యూస్ ఇప్పుడు టాలీవుడ్ , బాలీవుడ్ లో హల్ చెల్ చేస్తోంది. మెగా స్టార్ ప్రతిష్టాత్మక ప్రాజెక్ట్ ఉయ్యాలవాడ నరసింహారెడ్డి లో ఓ హీరోయిన్ గా ఆమెని సంప్రదించినట్టు తెలుస్తోంది. కాస్త బొద్దుగా కనిపించే ఈ భామ అయితే మెగా స్టార్ సరసన బాగుంటుందని దర్శకుడు సురేందర్ రెడ్డి అనుకుంటున్నట్టు సమాచారం. దాదాపుగా సోనాక్షి ఈ ఆఫర్ కి ఓకే చెప్పినట్టే అని తెలుస్తోంది.
అటు ఇంతకుముందు కూడా సోనాక్షి కి రజని సరసన లింగా లో హీరోయిన్ గా చేసే ఛాన్స్ దక్కింది. అయితే ఆ సినిమా ప్లాప్ కావడంతో దక్షిణాదిన ఆమెకి పెద్దగా ఛాన్స్ లు రాలేదు. ఇప్పుడు మెగా స్టార్ సినిమాలో ఛాన్స్ తో సోనాక్షి మళ్లీ వార్తల్లోకి ఎక్కింది. ఈ సినిమా హిట్ అయితే సోనాక్షి సౌత్ లో కూడా మంచి డిమాండ్ రావొచ్చు. నిజానికి సోనాక్షి సరసన నటించిన రజని, నటించబోతున్న చిరు…ఇద్దరు కూడా ఆమె తండ్రి శత్రుజ్ఞ సిన్హా స్నేహితులు కావడం విశేషం.
మరిన్ని వార్తలు
