తెలంగాణ రాష్ట్రంలో కరోనా బాధితుల సంఖ్య రోజురోజుకు పెరిగిపోతుంది. అయితే రాష్ట్రంలో పెరుగుతున్న కేసుల దృష్ట్యా తెలంగాణ ప్రభుత్వం మరొక సంచలనమైన నిర్ణయాన్ని తీసుకుందని సమాచారం. కాగా తెలంగాణ ముఖ్యమంత్రి కేసీఆర్ రాష్ట్రంలో లాక్ డౌన్ ని మే నెల 7 వరకు పొడగించామని అధికారికంగా వెల్లడించారు. అయితే కేంద్ర ప్రభుత్వం ఈ రోజు నుండి లాక్ డౌన్ ని కొన్నింటికి సడలింపులు చేస్తున్నట్లు ప్రకటించింది. కానీ తెలంగాణ రాష్ట్రంలో ఎలాంటి సడలింపులు లేవని తెలంగాణ రాష్ట్ర ప్రభుత్వం స్పష్టం చేసింది. వచ్చే నెల 7 వరకు లాక్ డౌన్ కఠినంగా కొనసాగించాలని ఆదేశాలు కూడా జారీ చేశారు.
ఇలాంటి తరుణంలో హైదరాబాద్ పోలీసులు మరొక కీలకమైన నిర్ణయాన్ని తీసుకున్నారు. కాగా ఎవరికైనా అత్యవసరమైన పనుల నిమిత్తం వెళ్లాలనుకున్న వారికి అనుమతులు ఇచ్చేందుకు పోలీసులు సిద్ధమయ్యారు. ఈ మేరకు ఈ- పాస్ విధానాన్ని అమల్లోకి తీసుకొచ్చి, తమ వెబ్‌సైట్‌లో ఒక ఆప్షన్‌ను అందుబాటులోకి తీసుకొచ్చింది తెలంగాణ రాష్ట్ర పోలీసు శాఖ. ఈ మేరకు పోలీస్ కమీషనర్ అంజని కుమార్ మాట్లాడుతూ.. ఎమర్జెన్సీ పాస్‌లను రివ్యూ చేయడానికి ప్రత్యేక టీంను సిద్ధం చేశామని, ఎవరైనా ఆ పాస్ ని దుర్వినియోగం చేసిన ఎడల వారిపై ఖఠినమైన చర్యలని తీసుకుంటామని పలు హెచ్చరికలు జారీ చేశారు.
