ఈమద్య కాలంలో సినిమాలు వివాదంలో ఇరుక్కోవడం చాలా కామన్‌ అయ్యింది. సూపర్‌ హిట్‌ సినిమాలు, కొన్ని సినిమాలు ప్రారంభంకు ముందే వివాదాలను ఎదుర్కొంటున్నారు. మహేష్‌బాబు సూపర్‌ హిట్‌ చిత్రం ‘శ్రీమంతుడు’ కథ నాది అంటూ ఒక రచయిత ఇప్పటికి న్యాయం పోరాటం చేస్తున్న విషయం తెల్సిందే. ఇంకా అలాంటివి సినిమా ఇండస్ట్రీలో చాలానే ఉన్నాయి. తాజాగా ఎన్టీఆర్‌ అరవింద సమేత చిత్రం కథ కూడా తనది అంటూ ఒక వ్యక్తి మీడియా ముందుకు వచ్చి సంచలనం సృష్టించాడు.
మాటల మాంత్రికుడు త్రివిక్రమ్‌ రెడీ చేసుకున్న ఈ కథ సూపర్‌ హిట్‌ అయ్యిందని అంతా భావిస్తున్న సమయంలో నా కథను కాపీ చేశారంటూ వేంపల్లి గంగాధర్‌ ఆరోపిస్తున్నాడు. నేను కొన్నాళ్ల క్రితం రాసుకున్న ఈ కథను త్రివిక్రమ్‌ తీసుకున్నాడని, తనకు కనీసం చిన్న ఇన్ఫర్మేషన్‌ కూడా ఇవ్వకుండా నా కథను వాడేయడం దారుణమని ఆయన ఆవేదన వ్యక్తం చేస్తున్నాడు. నా కథల్లో పాపాగ్ని అనే దాంట్లో మొండి కత్తి అనే కాన్సెప్ట్‌ ఉంటుంది. ఆ కాన్సెప్ట్‌ నుండే ఈ చిత్రం కథను తీసుకున్నట్లుగా ఆయన చెబుతున్నారు. మొత్తానికి సూపర్‌ హిట్‌ అయిన అరవింద సమేతకు ఇలాంటి విమర్శలు రావడంతో చిత్ర యూనిట్‌ సభ్యులు మరియు ఫ్యాన్స్‌ ఆవేదన వ్యక్తం చేస్తున్నారు.
