తమిళనాడులో ఘోరం చోటుచేసుకుంది. తన భార్యతో అక్రం సంబంధం పెట్టుకున్న వ్యక్తిని అతి కిరాతకంగా చంపేశాడు. అంతటితో ఆగకుండా చేతిని నరికి తన భార్యకు ఇచ్చాడు. ఈ ఘటన అక్కడి ప్రజల్లో తీవ్ర కలకలం రేపింది. మరెవరితోనైనా అక్రమ సంబంధం పెట్టుకుంటే తనకు అదే శాస్తి జరుగుతుందని తీవ్రంగా హెచ్చరించాడు కూడా. తమిళనాడులోని కృష్ణగిరి జిల్లా కేంద్రంలోని పుదుప్పేట్టై కృష్ణన్‌ ఆలయ వీధికి చెందిన బాలసుబ్రహ్మణి అలియాస్‌ రాజీబాయ్‌ ఓ ప్రైవేటు సంస్థలో పని చేసేవాడు. ఈ నెల 3న తిరువణ్ణామలై రోడ్డు వద్ద ఉన్న శ్మశానంలో అతని మృతదేహాన్ని స్థానికులు గుర్తించి పోలీసులకు తెలిపారు. ఘటనా స్థలికి చేరుకొని పరిశీలించిన పోలీసులు మరో ప్రాంతంలో అతడి చేయిని స్వాధీనం చేసుకోవడం తీవ్ర కలకలాన్ని సృష్టిస్తోంది.
కాగా ఈ ఘటనపై కేసు నమోదు చేసిన పోలీసులు అనుమానంతో రాణిపేటకు చెందిన లారీడ్రైవర్‌ను అదుపులోకి తీసుకుని విచారించారు. దీంతో తానే ఆ నేరం చేసినట్లుగా ఒప్పేసుకున్నాడు. అయితే కృష్ణగిరికి చెందిన ఆ వ్యక్తి లారీడ్రైవర్‌గా పనిచేస్తూ కొన్నాళ్ల క్రితం భారతీనగర్‌కు చెందిన యువతిని ప్రేమించి పెళ్లి చేసుకున్నాడు. ఓ కేసులో అతడు అరెస్టై జైలుకు వెళ్లడంతో భార్య ఒంటరిగా గడపసాగింది. ఈ సమయంలో బాలసుబ్రహ్మణి అనే యువకుడు ఆమెకు పరిచయం అయ్యాడు. ఇద్దరి మధ్య ప్రేమ చిగురించి అది కాస్తా పెరిగి అక్రమ బంధానికి దారితీసింది. అలా వారిద్దరూ శారీరకంగా కలుస్తుండటంతో ఆమె గర్భం దాల్చింది. జైలు నుంచి వచ్చిన తర్వాత ఈ విషయం తెలుసుకున్న భర్త ఆమెను తీవ్రంగా మందలించాడు. గర్భం తొలగించుకోవాలని.. బాలసుబ్రహ్మణితో అక్రమ సంబంధం వదులుకోవాలని చెప్పినా ఆమె ఏమాత్రం వినిపించుకోకుండా పెడచెవిన పెట్టింది.
