స్టార్ నటి సమంత సోషల్ మీడియాలో ఎప్పుడూ హాట్ టాపిక్ గానే ఉంటుంది . ఆమె నటనా వృత్తి అయినా, ప్రేమ జీవితం అయినా సరే, ఆమె కొన్ని కారణాల వల్ల ఎప్పుడు వార్తల్లో నిలుస్తుంది . నాగ చైతన్యతో విడాకులు తీసుకున్న తర్వాత సోషల్ మీడియాలో పెద్ద ఎత్తున చర్చ జరిగింది. చైతన్య, సమంత పరస్పర అంగీకారంతో విడాకులు తీసుకున్నప్పటికీ సోషల్ మీడియాలో మాత్రం సమంతపై విమర్శలు జరిగాయి .
చైతన్య ఎప్పుడూ సోషల్ మీడియాలో యాక్టివ్‌గా ఉండడు . కానీ సమంతా సోషల్ మీడియాలో చాలా యాక్టివ్‌గా ఉంటుంది. విడిపోయిన తర్వాత, ఆమె చేసిన ‘ఊ అంటావా ఊ ఊ అంటవా’ పాట మరింత విమర్శలకు దారితీసింది. అలాగే, కాఫీ విత్ కరణ్‌పై ఆమె చేసిన కొన్ని వ్యాఖ్యలు కూడా ఆమెపై చాలా ప్రతికూలతను తెచ్చిపెట్టాయి.
‘శాకుంతలం’ ప్రమోషన్స్‌లో, ఆమె తన విడాకుల గురించి మరియు ప్రజల నుండి వచ్చే విమర్శలు గురించి మాట్లాడింది.
నేనేమీ తప్పు చేయలేదు, నా పెళ్లికి 100% ఇచ్చాను.. కాని ఎలాగోలా కుదరలేదు, విడాకులు తీసుకున్న తర్వాత ఇంట్లో కూర్చోవడానికి నేనేమీ నేరం చేయలేదు, లేదంటే గిల్టీగా భావించి నన్నునేను శిక్షించుకునేదాన్ని. నేను ఎప్పుడూ ఐటెం సాంగ్ చేయలేదు కానీ నాకు సాంగ్ లిరిక్స్ నచ్చింది, కాబట్టి అందరూ చేయకూడదని చెప్పినా నేను చేశాను.”
కొందరు ఆమెను ప్రశంసిస్తుండగా, తన రాబోయే చిత్రంపై సంచలనం సృష్టించడం కోసమే ఆమె ఈ వ్యాఖ్యలన్నీ చేసిందని మరోసారి సమంతను టార్గెట్ చేసే నెటిజన్లు ఉన్నారు. ఆమె తన సినిమా విడుదలకు ముందు తన పర్సనల్ లైఫ్ గురించి చెబుతు గేమ్స్ ప్లే చేస్తోందని మరియు సినిమాపై తనను ప్రమోట్ చేసేందుకే ఇలాంటి ప్రకటనలు ఇస్తోందని వారు పేర్కొన్నారు. ఇలాంటి ఆరోపణలు ఎదుర్కొంటున్న నటి సామ్ వీటిపై స్పందిస్తుందో లేదో చూడాలి.
