మెగా పవర్‌ స్టార్‌ రామ్‌ చరణ్‌, బోయపాటి శ్రీనుల కాంబినేషన్‌లో తెరకెక్కుతున్న చిత్రం ఫస్ట్‌లుక్‌ చిరంజీవి పుట్టిన రోజు సందర్బంగా వస్తుందని అంతా ఆశించారు. కాని చిరంజీవి పుట్టిన రోజున సైరా టీజర్‌ రావడంతో చరణ్‌ మూవీ లుక్‌ వాయిదా వేయడం జరిగింది. తాజాగా చరణ్‌ మూవీ ఫస్ట్‌లుక్‌ను విడుదల చేసేందుకు ముహూర్తం ఫిక్స్‌ అయ్యింది. తాజాగా అందుతున్న సమాచారం ప్రకారం ఈ చిత్రం ఫస్ట్‌లుక్‌ను పవన్‌ కళ్యాణ్‌ పుట్టిన రోజు సందర్బంగా సెప్టెంబర్‌ 2న విడుదల చేయబోతున్నారు. సినిమా చిత్రీకరణ ప్రస్తుతం మెల్లగా సాగుతుంది. ఇంకా టైటిల్‌ను ఖరారు చేయలేదు. అయినా కూడా పవన్‌ బర్త్‌ డే సందర్బంగా ఫస్ట్‌లుక్‌ను విడుదల చేయాలని చరణ్‌ ఆశపడుతున్నాడు.
పవన్‌ బర్త్‌డేకు మరో వారం రోజుల సమయం ఉన్న కారణంగా ఈ సమయంలోనే టైటిల్‌ను ఖరారు చేయాలని బోయపాటికి చరణ్‌ సూచించినట్లుగా తెలుస్తోంది. ఇప్పటికే కొన్ని టైటిల్స్‌ను పరిశీలిస్తున్న చిత్ర యూనిట్‌ సభ్యులు త్వరలోనే సినిమాకు సంబంధించిన టైటిల్‌ను ప్రకటించే అవకాశం ఉంది. టైటిల్‌ విషయంలో ఏకాభిప్రాయం కుదరకపోతే పవన్‌ బర్త్‌డే సందర్బంగా కేవలం చరణ్‌ మూవీ స్టిల్‌ను మాత్రమే విడుదల చేయబోతున్నారు. చరణ్‌ మూవీ నెంబర్‌ను హ్యాష్‌ ట్యాగ్‌తో లుక్‌ను విడుదల చేయాలని నిర్ణయించుకున్నారు. ఇప్పటికే పవన్‌ బర్త్‌డే కోసం కొన్ని స్టిల్స్‌ను ఎంపిక చేయడం కూడా జరిగిందని సమాచారం అందుతుంది. పవన్‌ పూర్తి స్థాయి రాజకీయాల్లో ఉంటున్న కారణంగా ఆయన పుట్టిన రోజును చరణ్‌ ఇలా ఫ్యాన్స్‌కు గిఫ్ట్‌ ఇవ్వాలని నిర్ణయించుకున్నాడు. ఇక చరణ్‌, బోయపాటిల మూవీ వచ్చే సంక్రాంతికి ప్రేక్షకుల ముందుకు రాబోతున్న విషయం తెల్సిందే.
