అల్లరి నరేష్ హీరోగా నటిస్తున్న లేటెస్ట్ సినిమా ‘బచ్చల మల్లి’ టైటిల్‌తోనే ప్రేక్షకుల్లో మంచి బజ్‌ను క్రియేట్ చేసింది. ఈ మూవీ ను దర్శకుడు సుబ్బు మంగదేవి డైరెక్ట్ చేస్తుండగా.. ఇందులో అల్లరి నరేష్ రఫ్ అండ్ రగడ్ లుక్‌లో కనిపిస్తున్నాడు. దీంతో ఈ మూవీ కంటెంట్ ఏమై ఉంటుందా అనే ఆసక్తి అందరిలో నెలకొంది.
ఇక ఈ మూవీ నుండి రీసెంట్‌గా రిలీజ్ అయిన ఫస్ట్ సింగిల్ సాంగ్‌కి కూడా మంచి రెస్పాన్స్ దక్కింది. అయితే, ఇప్పుడు ఈ మూవీ టీజర్‌ని రిలీజ్ చేసేందుకు మేకర్స్ రెడీ అయ్యారు. ‘బచ్చల మల్లి’ టీజర్‌ని నవంబర్ 28న సాయంత్రం 4.05 గంటలకి రిలీజ్ చేస్తున్నట్లు వారు ఒక పోస్టర్ ద్వారా వెల్లడించారు.
ఈ సినిమాలో నరేష్ పాత్ర సీరియస్‌గా సాగనుందని.. ఆయన చేసే యాక్షన్ ప్రేక్షకులకు సరికొత్త అనుభూతిని కలిగిస్తుందని చిత్ర యూనిట్ ధీమా వ్యక్తం చేస్తోంది. ఈ మూవీ లో అందాల భామ అమృత అయ్యర్ హీరోయిన్‌గా నటిస్తోంది. విశాల్ చంద్రశేఖర్ సంగీతం అందిస్తున్న ఈ సినిమాని డిసెంబర్ 20న గ్రాండ్ రిలీజ్ చేసేందుకు మేకర్స్ సిద్ధమయ్యారు.
