టాలెంటెడ్ నటీనటులు సౌబిన్ షాహిర్, శ్రీనాథ్ బాసి, బాలు వర్గీస్, గణపతి ఎస్ పొదువల్, జీన్ పాల్ లాల్ తదితర నటులు ముఖ్య పాత్రల్లో దర్శకుడు చిదంబరం తెరకెక్కించిన లేటెస్ట్ సర్వైవల్ మూవీ “మంజుమ్మల్ బాయ్స్”. మళయాళంలో ఇండస్ట్రీ హిట్ అయ్యిన ఈ మూవీ తెలుగులో కూడా మంచి వసూళ్లు సాధించి హిట్ అయ్యింది. అయితే ఈ మూవీ ఓటిటి రిలీజ్ కోసం ఎదురు చూస్తున్న వారికి హాట్ స్టార్ వారు రీసెంట్ గానే అతి త్వరలో అఫీషియల్ గా వస్తున్నట్టుగా కన్ఫర్మ్ చేసారు .
ఇక ఇప్పుడు మరో అప్డేట్ ను వారు అందించారు. ఈ మూవీ ఓటిటిలో పాన్ ఇండియా భాషల్లో రానున్నట్టుగా తెలిపారు. ఇక రిలీజ్ ఎప్పుడు అనేది తేదీ రివీల్ చేయడమే ఆలస్యం అని చెప్పాలి . మరి పాన్ ఇండియా భాషల్లో ఈ మూవీ కి ఎలాంటి రెస్పాన్స్ వస్తుందో చూడాలి. మరి ఈ మూవీ కి సుసీన్ శ్యామ్ సంగీతం అందించగా తెలుగులో మైత్రి మూవీ డిస్ట్రిబ్యూషన్ వారు తెలుగులో రిలీజ్ కు తీసుకొచ్చారు.
