అక్టోబర్ 19 న దసరా పండుగ సందర్భంగా విడుదలైన సినిమా లియో. కోలీవుడ్ స్టార్ హీరో విజయ్ ప్రధాన పాత్రలో నటించిన ఈ సినిమా బాక్సాఫీస్ వద్ద బ్లాక్ బస్టర్ గా నిలిచింది. టాలెంటెడ్ డైరెక్టర్ లోకేష్ కనగరాజ్ దర్శకత్వం వహించిన ఈ సినిమా వరల్డ్ వైడ్ గా 600 కోట్ల రూపాయలకి పైగా వసూళ్లను రాబట్టింది. ఈ సినిమా సూపర్ స్టార్ రజనీకాంత్ జైలర్‌ను అధిగమించి 2023లో అత్యధిక వసూళ్లు సాధించిన తమిళ సినిమా గా నిలిచింది.
ఇప్పుడు, తమిళ ఫిల్మ్ సర్కిల్స్ నుండి వస్తున్న తాజా అప్డేట్‌ల ప్రకారం, లియో తమిళనాడు అంతటా 100కి పైగా స్క్రీన్‌లలో రీ రిలీజ్ చేయడానికి సిద్ధంగా ఉన్నది . రీ రిలీజ్ ప్లాన్ వెనుక కారణం టిక్కెట్ కౌంటర్లలో మంచి వసూళ్లను సాధించగల మంచి మూవీ లు ఏమీ లేకపోవడం. 5వ వారంలో కూడా లియో బాక్సాఫీస్ వద్ద మంచి రన్‌ను కొనసాగిస్తుంది . త్రిష, సంజయ్ దత్, అర్జున్, ప్రియా ఆనంద్, గౌతమ్ మీనన్ కీలక పాత్రల్లో నటించిన లియోను ఎస్ఎస్ లలిత్ కుమార్ నిర్మించారు. ఈ సినిమా కి అనిరుధ్ రవిచందర్ సంగీతం అందించారు.
