అక్కినేని మూడోతరం వారసుడిగా సినీ ఇండస్ట్రీలోకి ఎంట్రీ ఇచ్చిన అఖిల్ మూడో సినిమా దాకా వచ్చినా హిట్ మాత్రం పలకరించడం లేదు. ఎన్నో అంచనాలతో వచ్చిన తొలి సినిమా ‘అఖిల్’ డిజాస్టర్ కావడంతో ఇండస్ట్రీ మొత్తం షాకైంది. ఈ దెబ్బతో కొద్దిరోజులు గ్యాప్ తీసుకున్న అఖిల్ విక్రం తో ‘హలో’ అంటూ పలకరించినా అది కూడా ప్లాప్ గానే నిలిచింది. ఇక మూడో ప్రయత్నంగా తెరకెక్కించిన మిస్టర్ మజ్ను అయినా హిట్ కొడుతుందేమో అందుకుంటే ఆ సినిమా మరీ దారుణ ఫలితాన్ని ఇచ్చింది. తొలిప్రేమతో తొలి హిట్ అందుకున్న వెంకీ అట్లూరి, అఖిల్ కాంబోపై ప్రేక్షకులు ఆసక్తి కనబర్చారు. తీరా సినిమా విడుదలయ్యాక ఆ అంచనాలు అన్నీ నీరు గారి పోయాయి. పది రోజులకే అన్ని థియేటర్లలో సినిమా తీసేసేన పరిస్థితి ఎదురుకావడంతో ఈ సినిమా దారుణమైన కలెక్షన్లు రాబట్టి డ్రిస్టిబ్యూటర్లకు పీడకల మిగిల్చింది. మిస్టర్ మజ్ను బిజినెస్ 12.82 కోట్లకు క్లోజ్ అయినట్లుగా ట్రేడ్ వర్గాలు చెబుతున్నాయి. ఈ సినిమా ప్రీ రిలీజ్ బిజినెస్ రూ.23కోట్ల వరకు జరిగింది. అంటే అందులో కేవలం సగం మాత్రమే రాబట్టినట్లు బాక్సాఫీస్ లెక్కలు చెబుతున్నాయి. మరి నాలుగో సినిమాతో అయినా గెట్టేక్కుతాడో లేక చతికిల పడతాడో చూడాలి ఈ అక్కినేని హీరో.
