చిత్రసీమలో లైంగిక వేధింపులపై అలనాటి శృంగార తార షకీలా స్పందించారు. గతంలో తాను కూడా లైంగిక వేధింపులు ఎదుర్కొన్నానని వెల్లడించారు. #MeTooలో భాగంగా పరిశ్రమలో వేధింపులను బయటపెడుతున్న తారల గురించి స్పందిస్తూ.. తాను ఆలస్యంగా స్పందించే రకాన్ని కాదని, వెంటనే సమాధానం చెప్పేదానినని తెలిపారు. ఇటీవల ఓ ఇంటర్వ్యూలో ఆమె మాట్లాడుతూ ‘‘అమ్మాయిలకు లైంగిక వేధింపులు సాధారణమే. అయితే, అలాంటివి ఎదుర్కొన్నప్పుడు వెంటనే బయటపెట్టాలి.
ఏళ్లు గడిచిన తర్వాత చెప్పడం తెలివైన పనికాదు. చిత్రపరిశ్రమలో అడుగుపెట్టే చాలామంది ఇలాంటి వేధింపులు ఎదుర్కొన్ని ఉంటారు. నాపై కూడా లైంగిక వేధింపులకు పాల్పడ్డారు. అయితే, వారికి సరైన రీతిలో బుద్ధి చెప్పాను. ఆ రోజు నాపై చేతులు వేసినవాళ్లు… ఈ రోజు నన్ను చూస్తే చేతులు కట్టుకుంటారు’’ అని ఆమె తెలిపారు.
