Posted [relativedate] at [relativetime time_format=”H:i”]
తెలుగు ప్రేక్షకులు ఎంతో ఆసక్తిగా ఎదురు చూస్తున్న బిగ్‌బాస్‌ సీజన్‌ 2 ఆరంభంకు రంగం సిద్దం అయ్యింది. గత నెల రోజులుగా రెండవ సీజన్‌ గురించి మీడియాలో వార్తలు జోరుగా వస్తున్నాయి. మీడియాలో వస్తున్న వార్తలతో ప్రేక్షకుల్లో కూడా ఆసక్తి మొదలైంది. మొదటి సీజన్‌కు ఎన్టీఆర్‌ హోస్ట్‌గా వ్యవహరించగా, రెండవ సీజన్‌కు నాని హోస్ట్‌గా వ్యవహరించబోతున్నట్లుగా స్టార్‌ మా రెండు నెల క్రితమే హింట్‌ ఇచ్చింది. అయితే ఎన్టీఆర్‌ స్థానంలో నానిని చూడటం కష్టమే అంటూ మొదటి నుండి కొందరు ప్రేక్షకులు అంటూ వస్తున్నారు. తాజాగా అదే రుజువు అయ్యింది. ఇటీవలే బిగ్‌బాస్‌ సీజన్‌ 2 కు సంబంధించిన నాని లుక్‌ను అధికారికంగా రివీల్‌ చేయడం జరిగింది.
బిగ్‌బాస్‌ సీజన్‌ 1 లుక్‌ను ఎలా అయితే రివీల్‌ చేసి ఎన్టీఆర్‌ అందరిని ఆకట్టుకునేలా చేశారో, సీజన్‌ 2 కోసం కూడా నానితో ప్రత్యేకంగా ఫొటో షూట్‌ను జరిపి కొన్ని స్టిల్స్‌ను విడుదలకు సిద్దం చేశారు. ఎన్టీఆర్‌ను చూసిన ప్రేక్షకులు ఇప్పుడు బిగ్‌బాస్‌ లోగో పక్కన నానిని చూసి కాస్త అసంతృప్తి వ్యక్తం చేస్తున్నారు. ఇలాంటిది స్టార్‌ మా వారు ముందే గ్రహించారు. అయితే నాని రెండు మూడు వారాలు షోకు హోస్టింగ్‌ చేసిన తర్వాత అప్పుడు కాని ప్రేక్షకులు ఆయన్ను అంగీకరించరు అంటూ స్వయంగా స్టార్‌ మా అధికారి ఒకరు చెప్పుకొచ్చారు. ఖచ్చితంగా నాని తెలుగు ప్రేక్షకులను బిగ్‌బాస్‌తో అరిస్తాడనే నమ్మకంను స్టార్‌ మావారు వ్యక్తం చేస్తున్నారు.
