సూపర్ స్టార్ రజినీకాంత్ తన సినిమాల స్పీడ్ బాగా పెంచేశారు. కాలా సినిమా పరాజయం తరువాత తమిళ సినిమా ఇండస్ట్రీ లో టాలెంటెడ్ డైరెక్టర్ గా పేరు తెచ్చుకున్న యువ దర్శకుడు కార్తీక్ సుబ్బరాజు దర్శకత్వం లో తెరకెక్కుతున్న ‘పేట’ అనే సినిమాలో నటిస్తున్నారు. ఈ సినిమాలో రజినీకాంత్ కాలేజీ వార్డెన్ గా, ఫ్లాష్ బ్యాక్ లో ఆర్మీ ఆఫీసర్ గా ద్విపాత్రాభినయం చేయబోతున్నట్లు తెలుస్తుంది. త్రిష ఈ సినిమాలో కథానాయికగా నటిస్తుండగా, సీనియర్ నటి సిమ్రాన్ మరో ముఖ్య పాత్రలో రజినీకాంత్ కి జోడిగా నటిస్తుంది.
ఈ సినిమాలో తమిళ టాలెంటెడ్ హీరో విజయ్ సేతుపతి, బాబీ సింహ, సీనియర్ దర్శకుడు మహేంద్ర వంటి తారాగణం నటిస్తుండడంతో సినిమా మీద చాలా అంచనాలు నెలకొని ఉన్నాయి.తాజాగా పేట సినిమా నుండి ఒక పోస్టర్ ని సిమ్రాన్ తన సోషల్ మీడియా అకౌంట్ లో పోస్ట్ చేశారు. ఈ పోస్టర్ లో రజినీకాంత్ యంగ్ లుక్ లో ఎంతో ఉల్లాసంగా కనిపిస్తుండగా, సిమ్రాన్ కూడా రజినీకాంత్ కి తగిన జోడిగా కనిపిస్తున్నారు. పూల మొక్కలు చేతుల్లో, చిరునవ్వులు మొహాల్లో విరబూస్తుండగా రజిని – సిమ్రాన్ జంట చూడముచ్చటగా ఉంది.
షూటింగ్ దాదాపు పూర్తి చేసుకున్నఈ సినిమా సంక్రాంతి కానుకగా జనవరి లో విడుదల అవుతున్నట్లు పోస్టర్ లో ప్రకటించారు.ఇవే కాకుండా, రజినీకాంత్ నటిస్తున్న రోబో 2.0 సినిమా నవంబర్ 29 న ప్రపంచవ్యాప్తంగా విడుదల అవ్వబోతుంది. అంతేకాకుండా, రజినీకాంత్ ఏ. ఆర్. మురుగదాస్ దర్శకత్వంలో ఒక సినిమా చేయడానికి ఒప్పుకున్నట్లు కూడా సమాచారం.
