Posted [relativedate] at [relativetime time_format=”H:i”]
తెలుగు ప్రేక్షకులు గతంలో ఏ బుల్లి తెర షోను ఆధరించనంతగా బిగ్‌ బాస్‌ షోను ఆధరించడం జరిగింది. గత సంవత్సరం ప్రసారం అయిన బిగ్‌బాస్‌ మొదటి సీజన్‌ సంచలన విజయాన్ని సొంతం చేసుకుంది. ఎన్టీఆర్‌ హోస్ట్‌గా ప్రసారం అయిన బిగ్‌బాస్‌ మొదటి సీజన్‌ విజేతగా శివబాలాజీ నిలిచిన విషయం తెల్సిందే. విజేత విషయం పక్కన పెడితే ఈ షోలో పాల్గొన్న ప్రతి ఒక్కరు కూడా భారీ క్రేజ్‌ను దక్కించుకున్నారు. అందుకే సెకండ్‌ సీజన్‌లో పాల్గొనేందుకు సెలబ్రెటీలు క్యూ కడుతున్నారు. ఎంతో మంది తమకున్న పరిచయాల ద్వారా బిగ్‌బాస్‌లో స్ధానం సంపాదించుకున్నట్లుగా తెలుస్తోంది. కొందరిని ఏరి కోరి బిగ్‌బాస్‌ టీం వారు ఎంపిక చేయడం జరిగింది.
బిగ్‌బాస్‌ సీజన్‌ 2 కోసం ఆడిషన్స్‌ జరుగుతున్నట్లుగా మాత్రమే స్టార్‌ మాటీవీ ప్రకటించింది. కాని సోషల్‌ మీడియాలో ఏ సెలబ్రెటీలు ఈ షోలో ఎంపిక అయ్యారు అనే విషయాన్ని చెబుతున్నారు. సోషల్‌ మీడియాలో ఎక్కువగా వినిపిస్తున్న పేరు గీతా మాధురి. తన మధురమైన వాయిస్‌తో ఎన్నో పాటలను పాడి ఆకట్టుకున్న గీతామాధురి బిగ్‌బాస్‌ 2 ఇంట్లో ఎంట్రీ దక్కించుకుంది. ఇక తెలుగమ్మాయి అయినా కూడా తన అందంతో అదరగొట్టే తేజస్వి మరియు సీనియర్‌ సంగీత దర్శకుడు రఘు కుంచే మరియు తన డాన్స్‌లతో ఆకట్టుకున్న శివశంకర్‌ మాస్టర్‌, నటి హేమా, బ్రహ్మానందం తనయుడు గౌతమ్‌తో పాటు సాదారణ ప్రేక్షకులకు కూడా ఎంట్రీ కల్పిస్తున్నారు. ఈసారి బిగ్‌బాస్‌ గత సీజన్‌తో పోల్చితే డబుల్‌ వినోదాన్ని అందించబోతున్నారు.
