నారా రోహిత్‌ హీరోగా దర్శన బానిక్‌ హీరోయిన్‌గా తెరకెక్కిన ‘ఆటగాళ్లు’ చిత్రం రేపు ప్రేక్షకుల ముందుకు వచ్చేందుకు సర్వం సిద్దం అయ్యింది. ఈ చిత్రంలో కీలక పాత్రలో జగపతిబాబు నటించడంతో సినిమాపై అంచనాలు భారీగా ఉన్నాయి. నారా రోహిత్‌ సక్సెస్‌ ఫ్లాప్‌లతో సంబంధం లేకుండా వరుసగా చిత్రాలను చేసుకుంటూ వెళ్తున్నాడు. ఈ చిత్రంలో మరో విభిన్నమైన పాత్రను నారా రోహిత్‌ పోషించినట్లుగా చిత్ర యూనిట్‌ సభ్యులు చెబుతున్నారు. భారీ అంచనాల నడుమ రూపొందిన ఈ చిత్రంలో నారా రోహిత్‌ మరియు జగపతిబాఋ నువ్వా నేనా అన్నట్లుగా నటించారు అంటూ చిత్ర దర్శకుడు పరుచూరి మురళి చెప్పుకొచ్చాడు.
జగపతిబాబు సెకండ్‌ ఇన్నింగ్స్‌ మొదలు పెట్టిన్నప్పటి నుండి కూడా పలు చిత్రాల్లో మంచి పాత్రలను దక్కించుకున్నాడు. అయితే ఈ చిత్రంలో చేసిన పాత్ర మాత్రం వాటికి చాలా విభిన్నంగా ఉంటుందని, తప్పకుండా నా నుండి ప్రేక్షకులు ఏదైతే కోరకుంటున్నారో అదే ఈ చిత్రంలో చూపించబోతున్నట్లుగా చెప్పుకొచ్చాడు. దర్శకుడు పరుచూరి మురళి కొన్నాళ్ల క్రితం జగపతిబాబుతో పెదబాబు చిత్రాన్ని తెరకెక్కించడం జరిగింది. మళ్లీ ఇద్దరి కాంబినేషన్‌లో ఒక మంచి చిత్రంగా ఈ చిత్రం రూపొందినట్లుగా చిత్ర యూనిట్‌ సభ్యులు చెబుతున్నారు. ఈ చిత్రం నారా రోహిత్‌కు కమర్షియల్‌గా మంచి సక్సెస్‌ను తెచ్చి పెడుతుందనే నమ్మకం వ్యక్తం అవుతుంది. రేపు పలు చిత్రాలు ప్రేక్షకుల ముందుకు రాబోతున్నాయి. వాటికి పోటీగా నిల్చుని ఈ చిత్రం కలెక్షన్స్‌ను రాబట్టగలదా అనేది రేపు చిత్రం విడుదలైన తర్వాత తేలిపోనుంది.
