క్రిష్‌ తెరకెక్కిస్తున్న సీనియర్‌ ఎన్టీఆర్‌ బయెపిక్‌ రెండు భాగాలుగా ప్రేక్షకుల ముందుకు రావడానికి సిద్దమవతోంది. ‘ఎన్టీఆర్‌ కథానాయకుడు’ చిత్ర షూటింగ్‌ చకాచకా పూర్తి అవుతోంది. ఈ చిత్రాన్ని సంక్రాంతి కానుకగా జనవరి 9న ప్రేక్షకుల ముందుకు తీసుకురావడానికి చిత్ర యూనిట్‌ సన్నాహాలు చేస్తున్నారు. ఎన్టీఆర్‌ సినీ కెరియర్‌ గురించి కీలక విషయాలను ఈ చిత్రంలో చూపించబోతున్నారు. ఈ చిత్రంలో శ్రీదేవిగా రకుల్‌, జయప్రదగా తమన్నాలు కనిపించబోతున్నారు. ఎన్టీఆర్‌ పాత్రలో బాలక్రిష్ణ నటిస్తుండగా హరికృష్ణ పాత్రలో కళ్యాణ్‌ రామ్‌ కనిపించనున్నారు. తాతగారి సినిమాలో యంగ్‌టైగర్‌ ఎన్టీఆర్‌ కూడా కనిపించనున్నాడు అని వార్తలు వచ్చాయి.
‘ఎన్టీఆర్‌ కథానాయకుడు’ చిత్ర షూటింగ్‌ పూర్తి దశకు చేరుకున్న యంగ్‌టైగర్‌ ఎన్టీఆర్‌ పాత్ర గురించి వార్తలు ఏమి లేవు. దాంతో ఈ చిత్రంలో యంగ్‌ ఎన్టీఆర్‌ నటించడం లేదు అనేది క్లారిటీ వచ్చింది. ఎలాగైనా యంగ్‌టైగర్‌ ఎన్టీఆర్‌ను ‘ఎన్టీఆర్‌’ చిత్రంలో భాగం చేయాలని భావించిన చిత్ర యూనిట్‌ ఈ చిత్రం ప్రారంభానికి ముందు సీనియర్‌ ఎన్టీఆర్‌ గురించి కొన్ని విషయాలను యంగ్‌ ఎన్టీఆర్‌ వాయిస్‌ ఓవర్‌ ద్వారా తెలియజేయాలనుకుంటున్నారు. ఈ వాయిస్‌ ఓవర్‌ను ఎన్టీఆర్‌ చేత ఇప్పించాలని చిత్ర యూనిట్‌ ప్లాన్‌ చేస్తున్నారు. యంగ్‌ ఎన్టీఆర్‌ కనిపించకున్నా కూడా వాయిస్‌ ఓవర్‌ అయినా ఉంటే అది కచ్చితంగా ఈ చిత్రానికి పెద్ద ప్లస్‌ అవుతుందని సినీ విశ్లేషకులు అంటున్నారు.
