నాగ చైత‌న్య, స‌మంత, దివ్యాంక కౌశిక్ ప్ర‌ధాన పాత్ర‌ల‌లో శివ నిర్వాణ తెర‌కెక్కించిన చిత్రం మ‌జిలి. దేర్ ఈజ్ లవ్ దేర్ ఈజ్ పెయిన్ ఉపశీర్షిక. షైన్ స్క్రీన్ పతాకంపై సాహు గారపాటి, హరీష్‌పెద్ది ఈ చిత్రాన్ని నిర్మించారు. ఏప్రిల్ 5న విడుద‌ల అయిన ఈ చిత్రం నేటితో వంద రోజులు పూర్తి చేసుకుంది. మండ‌పేట రాజార‌త్న కాంప్లెక్స్ థియేట‌ర్ లో ఈ మూవీ స‌క్సెస్ ఫుల్‌గా ర‌న్ అవుతుంది. ఈ చిత్రాన్ని ఇంత‌గా ఆదరించిన ప్రేక్ష‌కుల‌కి చిత్ర బృందం ధన్య‌వాదాలు తెలిపింది. మ‌జిలీ చిత్రం పెళ్లి తర్వాత ప్రేమలో పడే ఓ జంట కథ . వారి జీవితంలోని ప్రేమ, బాధను హృదయానికి హత్తుకునేలా భావోద్వేగభరితంగా దర్శకుడు తెరపై ఆవిష్కరించారు. వైజాగ్ నేపథ్యంలో రొమాంటిక్ ఎంటర్‌టైనర్‌గా ఈ చిత్రం ప్ర‌తి ఒక్క‌రిని ఆక‌ట్టుకుంది. గోపి సుంద‌ర్ సంగీతం కూడా సంగీత ప్రియుల‌ని ఎంత‌గానో అల‌రించింది. పెళ్ళి తర్వాత స‌మంత, నాగ చైత‌న్య క‌లిసి న‌టించిన తొలి చిత్రం ఇదే కావ‌డం విశేషం.
