Posted [relativedate] at [relativetime time_format=”H:i”]
‘అర్జున్‌ రెడ్డి’ చిత్రంతో ఓవర్‌ నైట్‌ సూపర్‌ స్టార్‌ అయిన విజయ్‌ దేవరకొండ తాజాగా ‘మహానటి’ చిత్రంలో విజయ్‌ ఆంటోనీగా నటించి మెప్పించాడు. సమంతకు జోడీగా, అప్పటి ఫొటోగ్రాఫర్‌గా మెప్పించాడు. విజయ్‌ ప్రస్తుతం ‘ట్యాక్సీవాలా’ చిత్రంతో రెడీ అవుతున్నాడు. గీతాఆర్ట్స్‌ బ్యానర్‌లో రూపొందిన ట్యాక్సీవాలా చిత్రంపై అంచనాలు భారీగా ఉన్నాయి. తక్కువ సినిమాలకే మంచి క్రేజ్‌ను విజయ్‌ దేవరకొండ దక్కించుకున్నాడు. ఇప్పుడు అదే క్రేజ్‌తో తన తమ్ముడిని సినిమా పరిశ్రమలో పరిచయం చేసేందుకు ఏర్పాట్లు చేస్తున్నాడు. విజయ్‌ తమ్ముడు ఆనంద్‌ దేవరకొండ త్వరలోనే హీరోగా ఎంట్రీ ఇవ్వబోతున్నాడు.
వచ్చే సంవత్సరంలో ఆనంద్‌ హీరోగా ఒక చిత్రంను ప్రేక్షకుల ముందుకు తీసుకు వచ్చేలా ప్లాన్‌ చేస్తున్నాడు. ప్రస్తుతానికి సినిమాకు సంబంధించిన కథా చర్చలు జరుగుతున్నాయని తెలుస్తోంది. విజయ్‌ తమ్ముడు ఆనంద్‌ గత సంవత్సరం కాలంగా నటనలో శిక్షణ తీసుకుంటూ, బాడీని ఫిట్‌గా తయారు చేసుకుంటున్నాడు. విజయ్‌ కంటే కాస్త తక్కువ హైట్‌ ఉండే ఈ కుర్రాడు లవ్‌ స్టోరీతో ప్రేక్షకులకు పరిచయం కాబోతున్నాడు. విజయ్‌ దేవరకొండకు ప్రస్తుతం సినీ వర్గాల్లో మరియు ప్రేక్షకుల్లో మంచి గుర్తింపు ఉంది. ఆ గుర్తింపు కారణంగానే ఆనంద్‌ ఎంట్రీ సులభంగా జరిగే అవకాశం ఉంది. మంచి కథలతో ఆనంద్‌ను సినిమా పరిశ్రమకు తీసుకు వచ్చి, సక్సెస్‌ హీరోగా నిలపాలని తమ్ముడి గురించి విజయ్‌ కలలు కంటున్నాడు. ఒక సీనియర్‌ హీరో లేదా దర్శకు మాత్రమే ఇలా తమ తమ్ముళ్లను లేదా తమ వారిని ఇండస్ట్రీకి పరిచయం చేస్తూ ఉంటారు. కాని విజయ్‌ అప్పుడే తమ్ముడిని తీసుకు వస్తున్నాడు.
