పడి పడి లేచే మనసు అంటూ శర్వానంద్ మరియు సాయి పల్లవి లు తెలుగు ప్రేక్షకుల హృదయాలను కొల్లగొట్టడానికి డిసెంబర్ 21 న సిద్ధం అవుతున్నారు. హను రాఘవపూడి దర్శకత్వం వహిస్తున్న ఈ సినిమా ని సుధాకర్ చెరుకూరి నిర్మిస్తున్నారు. ఈమద్యే విడుదలైన టీజర్ కి వీక్షకుల నుండి మంచి స్పందన లభించడమే కాకుండా ఈ సినిమా పైన ఉన్న అంచనాలను రెట్టింపు చేసింది. టీజర్ ని గమనిస్తే ఈ సినిమాలో ఎక్కువ శాతం కలకత్తా లో సాగుతుంది అని తెలుస్తుంది. ఈ సినిమాలో మాటిమాటికీ గతం మరిచిపోయే డాక్టర్ పాత్రలో సాయి పల్లవి నటిస్తుండగా, తనకి ప్రతిసారి గతం గుర్తుచేసే ప్రియుడిగా శర్వానంద్ నటిస్తున్నాడు.
తాజాగా ఈ సినిమా నుండి పడి పడి లేచే మనసు అంటూ సాగే టైటిల్ సాంగ్ ఈరోజే విడుదలయ్యింది. ఈ పాట ని అర్మాన్ మాలిక్, సిందూరీ విశాల్ ఆలపించగా, కృష్ణకాంత్ రచన చేశారు. విశాల్ చంద్రశేఖర్ అందించిన సంగీతం చెవులకు ఇంపుగా ఉండగా, లిరికల్ వీడియో లో చూపించిన విజువల్స్ కనులకు ఇంపుగా, సినిమా యొక్క రిచ్ నెస్స్ ని తెలిపేలా ఉంది. డైరెక్టర్ హను రాఘవపూడి ఇప్పటికే లై అనే డిజాస్టర్ సినిమాని అందించగా, ఇప్పుడు తనకి ఈ సినిమా విజయం ఖచ్చితంగా అవసరం. ఇప్పటివరకు ఈ సినిమా పైన పాజిటివ్ బజ్ నెలకొనే ఉంది. కానీ, డైరెక్టర్ హను రాఘవపూడి విషయంలోనే స్క్రీన్ ప్లే తో చెడగొడతాడు అనే అపవాదు ఉంది. సినిమా షూటింగ్ చివరిదశలో ఉన్న ఈ సినిమా పోస్ట్-ప్రొడక్షన్ వర్క్ కూడా ముగించుకొని డిసెంబర్ 21 న విడుదలయ్యేందుకు సిద్ధం అవుతుంది.
తాజాగా బెల్లంకొండ శ్రీనివాస్ నటిస్తున్న తదుపరి చిత్రం ‘కవచం’ సినిమా టీజర్ విదుదలయ్యింది. ఈ సినిమాలో బెల్లంకొండ శ్రీనివాస్ ఒక సిన్సియర్ పోలీస్ ఆఫీసర్ గా నటిస్తున్నాడు. కాజల్ అగర్వాల్ ఇతనికి జోడిగా నటిస్తుండగా, మెహ్రీన్ మరో ముఖ్య పాత్రలో నటిస్తుంది. ఈ సినిమాకి నూతన దర్శకుడు శ్రీనివాస్ మామిళ్ళ దర్శకత్వం వహిస్తుండగా, నవీన్ చౌదరి శొంఠినేని నిర్మిస్తున్నాడు.
సుందర్ రామస్వామి (విజయ్) సంవత్సరానికి వేల కోట్లు సంపాదించే బిజినెస్మేన్. తను ఏ దేశంలో అడుగుపెట్టిన అక్కడి కంపెనీలను దెబ్బతీసి, వాటిని మూసేయించే ఒక కార్పోరేట్ క్రిమినల్ మైండెడ్ వ్యక్తి. అలాంటి సుందర్ భారత్కు వస్తుండన్నా సమాచారంతో ఇక్కడి కార్పోరేట్ కంపెనీలన్ని ఉలిక్కి పడతాయి. కానీ ఇండియా వచ్చిన సుందర్ కేవలం తన ఓటు హక్కును వినియోగించుకోవడానికే వచ్చానని చెప్పటంతో అంతా ఊపిరి పీల్చుకుంటారు. ఓటు వేయడానికి వెళ్లిన సుందర్కు తన ఓటును ఎవరో దొంగ ఓటు వేశారని తెలుస్తుంది. దీంతో తన ఓటు కోసం కోర్టును ఆశ్రయిస్తాడు.
ఎన్నికల నిబంధనలలోని సెక్షన్ 49Pని ఆధారంగా చేసుకుని దర్శకుడు ఎ.ఆర్.మురుగదాస్ రాసుకున్న కధే ఈ సినిమా. వాస్తవానికి ఈ సెక్షన్ గురించి చాలా మందికి అవగాహన ఉండదు ఓ వ్యక్తి ఓటును వేరెవరో దొంగ ఓటు వేస్తే.. ఈ మూలంగా ఓటు కోల్పోయిన వ్యక్తి తగిన ఆధారాలతో ఎన్నికల అధికారిని కలిసినప్పుడు బ్యాలెట్ ఓటుకు అనుమతించాలి. ఇదే సెక్షన్ 49P. దీని చుట్టూనే ‘సర్కార్’ కథ అల్లుకుంది. కథను చాలా బాగా రాసుకున్న మురుగుదాస్ అదంతా స్క్రీన్ ప్లేలో చూపించలేకపోయారు. కేవలం విజయ్ మీదే ఆయన దృష్టి పెట్టినట్టు స్పష్టంగా తెలుస్తోంది.
విజయ్ తన అభిమానుల్ని సంతృప్తి పరచడానికి అన్నివిధాలా కష్టపడ్డాడు. నెరిసిన గడ్డంతో విజయ్ లుక్ చాలా కొత్తగా ఉంది. అంతేకాదు మేనరిజంలోనూ విజయ్ కొత్తదనాన్ని చూపించారు. కీర్తి సురేష్ పాత్రకు పెద్దగా ప్రాధాన్యత లేదు. సినిమా మొత్తం విజయ్ పక్కనే కనిపించినా కదలని బొమ్మలా ఉండిపోయింది. వరలక్ష్మీ శరత్కుమార్ కాసేపే కనిపించినా ఆకట్టుకుంది. ముఖ్యంగా ఆమెకు డబ్బింగ్ బాగా కుదిరింది. సీనియర్ రాజకీయ నాయకుడిగా రాధారవి నటన ఆకట్టుకుంటుంది. తులసి, యోగి బాబు తప్ప మిగిలిన మొహాలన్నీ తెలుగు ప్రేక్షకులు దాదాపుగా తెలియకపోవచ్చు.
ఇలయతళపతి విజయ్, స్టార్ డైరెక్టర్ మురుగదాస్ కాంబినేషన్లో వచ్చిన తుపాకి, కత్తి సినిమాలు సంచలన విజయం నమోదు చేసుకున్న సంగతి తెలిసిందే. తాజాగా వీరిద్దరి కాంబినేషన్లో సర్కార్ చిత్రం రూపొందుతుంది. నవంబర్ 6న తెలుగు, తమిళ భాషలలో విడుదల కానున్న ఈ చిత్ర తమిళ టీజర్ దసరా కానుకగా విడుదలై రికార్డ్ స్థాయిలో వ్యూస్ సాధించింది. తాజాగా తెలుగు వర్షెన్కి సంబంధించిన ట్రైలర్ విడుదల చేశారు. వరలక్ష్మి శరత్ కుమార్ వాయిస్తో ప్రారంభమైన ఈ టీజర్లో ‘వాడొక కార్పోరేట్ రాక్షసుడు ఏ దేశానికి వెళ్లినా వాళ్లని నాశనం చేసే వెళ్తాడు వాడు ఇప్పుడు ఇండియా వచ్చాడు’ అంటూ విజయ్ ఇంట్రడక్షన్ ఇస్తుంది.
